ភ្នំពេញៈ នៅព្រឹកថ្ងៃទី០៤ ខែមិថុនា ឆ្នាំ២០២២ មានករណីគ្រោះថ្នាក់ចរាចរណ៍ មួយបានកើតឡើង រថយន្តឡិចស៊ីស៤៧០ មួយគ្រឿង ពាក់ស្លាកលេខភ្នំពេញ 2G-7889 បើកបរដោយជនមិនស្គាល់អត្តសញ្ញាណម្នាក់ បុកឈើមួយដើមបណ្ដាលឲ្យបាក់ ទីតាំងស្ថិតតាមបណ្ដោយផ្លូវកម្ពុជាក្រោម ក្នុងសង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ។

ហេតុការណ៍ករណីគ្រោះថ្នាក់ចរាចរណ៍ខាងលើនេះ នៅមុនពេលកើតហេតុ គេឃើញរថយន្តបង្កហេតុម៉ាកឡិចស៊ីស ៤៧០ មួយគ្រឿង ពាក់ស្លាកលេខភ្នំពេញ 2G-7889 បើកបរដោយជនមិនស្គាល់អត្តសញ្ញាណម្នាក់ ធ្វើដំណើរតាមបណ្តោយផ្លូវកម្ពុជាក្រោម ។ លុះពេលធ្វើដំណើរមកដល់ត្រង់ចំណុចកើតហេតុ រថយន្តនេះបានរេចង្កូតបុកដើមឈើមួយដើមពេញទំហឹង បណ្តាលឲ្យបាក់ដើម ឈើ ។ ចំណែករថយន្តបង្កហេតុនោះវិញ រងការខូចខាតយ៉ាងធ្ងន់ធ្ងរតែម្តង ។

ក្នុងហេតុការណ៍ខាងលើនោះ ក្រុមការងារនៃអង្គភាពសារព័ត៌មានPost News យើងខ្ញុំមិនទាន់ដឹងថា មានមនុស្សរងរបួសឬមួយក៏យ៉ាងណានោះទេ ព្រោះករណីនេះពុំមានប្រភពណាមួយបញ្ជាក់ប្រាប់ឲ្យដឹង ។ សូមបញ្ជាក់ថា ករណីគ្រោះថ្នាក់ចរាចរណ៍នេះ បានកើតឡើងតាំងពីយប់ ៕