ព័ត៌មានជាតិ

ឪពុករំលោភកូនស្រីបង្កើត៤លើក ហើយនាំជនរងគ្រោះមកដាក់ពាក្យប្តឹង ដោយបញ្ចេះប្រាប់ឲ្យនិយាយចោទ លើអ្នកផ្សេងថាជាអ្នកចាប់រំលោភ

សៀមរាប: យោងតាមផេក វរសេនីយ៍ឯក លឹម សម្បត្តិ បានឲ្យដឹងថា កម្លាំងនគរបាលស្រុកប្រាសាទបាគង កាលពីថ្ងៃទី១៥ ខែកក្កដា ឆ្នាំ២០២២ កន្លងទៅ បានធ្វើការឃាត់ខ្លួនជនសង្ស័យចំនួន០១នាក់ ឈ្មោះ​ ឆ​ ឆុំ ភេទប្រុស អាយុ៣៨ឆ្នាំ រស់នៅភូមិសូភី ឃុំកន្ទ្រាំង ស្រុកប្រាសាទបាគង ខេត្តសៀមរាប ពាក់ព័ន្ធករណី រំលោភសេពសន្ថវ:មានស្ថានទម្ងន់ទោស លើកូនស្រីបង្កើតរបស់ខ្លួន ដែលទើបមានអាយុ១៤ឆ្នាំ ចំនួន០៤ លើក លើកចុងក្រោយ កាលពីវេលាម៉ោង១៩និង០០នាទី ថ្ងៃ​ទី២​ ខែកក្កដា​ ឆ្នាំ២០២២ កន្លងទៅ ហើយនាំជនរងគ្រោះ មកដាក់ពាក្យប្តឹង នៅអធិការដ្ឋាននគរបាលស្រុកប្រាសាទបាគង នៅថ្ងៃទី១៣ ខែកក្កដា ឆ្នាំ២០២២ ដោយបញ្ចេះ ប្រាប់ឲ្យជនរងគ្រោះ និយាយចោទ លើឈ្មោះអ្នកផ្សេងចំនួន០២នាក់ ថាជាអ្នកចាប់រំលោភ​ទៅវិញ បើមិននិយាយប្រាប់សមត្ថកិច្ចតាមខ្លួនប្រាប់ ជនសង្ស័យ គំរាម វាយសម្លាប់ជនរងគ្រោះ ចោល ។

បន្ទាប់ពីបានបើកការស្រាវជ្រាវ និងយោងតាមការឆ្លើយបំភ្លឺពីជនរងគ្រោះ និងតាមការសាកសួរ ការពិតក៏ត្រូវបានបែកធ្លាយ នៅចំពោះមុខសម្ថកិច្ចជនសង្ស័យ បានឆ្លើយសារភាពថា ខ្លួនពិតជាបានធ្វើសកម្មភាព ចាប់រំលោភលើជនរងគ្រោះ ជាកូនបង្កើត ពិតប្រាកដមែន ។

ជនសង្ស័យ ត្រូវបានកម្លាំងនគរបាលស្រុក សហការជាមួយផែនការងារប្រឆាំងការជួញដូរមនុស្ស នឹងការពារអនីតិជន កសាងសំណុំរឿង បញ្ជូនទៅតុលាការ ដើម្បីចាត់ការតាមផ្លូវច្បាប់ ៕

មតិយោបល់