ផ្ទះ ព័ត៌មានជាតិ រឿង «សង្សារខ្...

រឿង «សង្សារខ្ញុំក្រមុំកូន១» រំពឹងលក់អស់៥០ម៉ឺន សំបុត្រ

0

ភ្នំពេញ: កាលពីយប់ថ្ងៃទី២៣ សីហា តារាសម្ដែង និងតារាកំប្លែងយ៉ាងច្រើនកុះករត្រូវគេឃើញបង្ហាញវត្តមាននៅក្នុងពិធីបើកសម្ពោធដាក់បញ្ចាំងរឿង«សង្សារខ្ញុំក្រមុំកូន១» ដែលសម្ដែងដោយតារាសម្ដែងនាងសារ៉ាយ សក្ខណា  និងលោកជា វណ្ណារិទ្ធិ និងជាស្នាដៃទី៣របស់ផលិតកម្ម Red Picture  នៅរោងភាពយន្តទំនើបនៅស្ទឹងមានជ័យ។ ពិធីនេះក្រៅពីមានភាពអធឹកអធម ដោយវត្តមានតារាសិល្ប: និងភ្ញៀវកិត្តិយស ផលិតករក៏បានប្រកាសថានឹងមានអ្នកគាំទ្រមិនតិចជាង៥០ម៉ឺននាក់ចូលទៅទស្សនាផងដែរ ដោយសារតែសម្អាងលើភាពខ្លាំងរបស់ខ្សែរឿងនេះ។

លោកឌៀប សុវណ្ណារ៉ា ចាងហ្វាងផលិតកម្មបានអះអាងថា ដោយសារតែខ្សែរឿង«សង្សារខ្ញុំក្រមុំកូន១» ជារឿងដែលបានសម្រិតសម្រាំងសម្រាប់ឆ្នាំ២០១៦នេះ និងជារឿងដែលមានការរំពឹងខ្ពស់លើសពីរឿង«ភូមិអត់មនុស្ស» និងរឿង«ទង់ព្រលឹង»ដែលទទួលការគាំទ្រខ្លាំង ទើបលោកសម្រេចដាក់បញ្ចាំងគ្រប់រោងនៅភ្នំពេញ និងខេត្តសៀមរាប ចាប់ពីថ្ងៃទី២៤ សីហា តទៅ ដើម្បីឲ្យត្រូវនឹងបរិបទសិស្សទី១២ ទើបនឹងបានប្រលងជាប់។ លោកថាដើមទុនផលិតរឿងនេះចំណាយខ្ពស់មិនខុសពីរឿងមុនៗនោះទេ ប៉ុន្តែអ្វីដែលមានការខុសប្លែកគឺសាច់រឿង ប្លង់ និងការរៀបចំឈុតឆាកឲ្យល្អ ព្រមជាមួយនឹងការសម្រាំងតួសម្ដែងនោះតែម្ដង។

នៅក្នុងពិធីសម្ពោធនោះ គេកត់សម្គាល់ថាតារាសិល្ប:យ៉ាងច្រើនកុះករបង្ហាញខ្លួនធ្វើជាតារាកិត្តិយស ដោយមិនគ្រាន់តែតារាដែលបានសម្ដែងនៅក្នុងរឿងនោះឡើយ។ ផលិតករបញ្ជាក់ថារឿងនេះ នឹងរំពឹងទាក់ទាញអ្នកទស្សនាមិនក្រោម៥០ម៉ឺននាក់នោះឡើយ ដោយសារតែយោងលើរឿងមុនៗទទួលបានអ្នកទស្សនាលើសពីកន្លះលាននាក់មុនពេលទម្លាក់ផ្លាកពីរោង។

ខាងក្រោមនេះ ជាទិដ្ឋភាពក្នុងពិធីសម្ពោធរឿង«សង្សារខ្ញុំក្រមុំកូន១» របស់ផលិតកម្ម Red Picture

photo_2016-08-23_22-09-51 photo_2016-08-23_22-09-56 photo_2016-08-23_22-10-00 photo_2016-08-23_22-10-03 photo_2016-08-23_22-10-23 photo_2016-08-23_22-10-26 photo_2016-08-23_22-10-29 photo_2016-08-23_22-10-32 photo_2016-08-23_22-10-35 photo_2016-08-23_22-10-37 photo_2016-08-23_22-10-40 photo_2016-08-23_22-10-43 photo_2016-08-23_22-10-46 photo_2016-08-23_22-10-49 photo_2016-08-23_22-10-51 photo_2016-08-23_22-10-55 photo_2016-08-23_22-10-57 photo_2016-08-23_22-11-00 photo_2016-08-23_22-11-03 photo_2016-08-23_22-11-05 photo_2016-08-23_22-11-08 photo_2016-08-23_22-11-10 photo_2016-08-23_22-11-13 photo_2016-08-23_22-11-16 photo_2016-08-23_22-11-18 photo_2016-08-23_22-11-21 photo_2016-08-23_22-11-24 photo_2016-08-23_22-11-34 photo_2016-08-23_22-11-36 photo_2016-08-23_22-11-39 photo_2016-08-23_22-11-42 photo_2016-08-23_22-11-45 photo_2016-08-23_22-11-48 photo_2016-08-23_22-11-51 photo_2016-08-23_22-11-58 photo_2016-08-23_22-12-00 photo_2016-08-23_22-12-03 photo_2016-08-23_22-12-06 photo_2016-08-23_22-12-08 photo_2016-08-23_22-12-14 photo_2016-08-23_22-12-17

មតិយោបល់