ព័ត៌មានជាតិ

បុរសម្នាក់ប្រទះឃើញកាំភ្លើងខ្លី ១ដើម រុំក្នុងថង់កប់ដី យកមកប្រគល់ជូនសមត្ថកិច្ចនគរបាល

បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី០២ ខែសីហា ឆ្នាំ២០២២ វេលាម៉ោង១២និង០០នាទី មានប្រជាពលរដ្ឋឈ្មោះ កឹម វល័ក្ខ ភេទប្រុស អាយុ ៣៩ឆ្នាំ រស់នៅភូមិទួលបល្ល័ង្គ ឃុំគាស់ក្រឡ ស្រុកគាស់ក្រឡ បានប្រគល់កាំភ្លើងខ្លី ០១ដើម និងបង់ ០១គ្មានគ្រាប់ ម៉ាកMLC MODELE 1935 S CAL765 L ផលិតនៅប្រទេសបារាំង ដែលខ្លួនបានប្រទះឃើញរុំក្នុងថង់កប់ដី ពេលធ្វើចម្ការនៅចំណុចថ្លុករាំង ស្ថិតក្នុងភូមិតានួត ឃុំព្រះផុស ស្រុកគាស់ក្រឡ កាល ពីព្រឹកថ្ងៃទី០២ ខែសីហា ឆ្នាំ២០២២ ចម្ងាយពីផ្ទះប្រមាណ២០០ម៉ែត្រ។

ឆ្លៀតក្នុងឱកាសនោះ នគរបាលស្រុកគាស់ក្រឡ បានថ្លែងអំណរគុណដល់ពលរដ្ឋដែលបានរាយការណ៍ជូនសមត្ថកិច្ចទាន់ពេលវេលា និងបានអំពាវនាវដល់ប្រជាពលរដ្ឋដែលរស់នៅក្នុងមូលដ្ឋានទាំងអស់ សូមឲ្យមានការប្រុងប្រយ័ត្នខ្ពស់ចំពោះអាវុធខូចគុណភាពផ្សេងៗរឺអាវុធកប់ចោលដូចករណីខាងលើនេះ ត្រូវរាយការណ៍ជាបន្ទាន់ជូនសមត្ថកិច្ចជៀសវាងការកើតមានការប្រើប្រាស់អាវុធខុសបច្ចេកទេសដែលបង្កជាគ្រោះថ្នាក់ជាយថាហេតុ៕

មតិយោបល់