-

ជាងពិដាននិងអ្នកដឹកអីវ៉ាន់ចំនួន៣នាក់ ត្រូវកម្លាំងសមត្ថកិច្ចល្បាតឃាត់ខ្លួន ករណីជិះម៉ូតូធ្វើសកម្មភាពឆក់ទូរស័ព្ទ

​ភ្នំពេញ: យោងតាមផេក នាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ បានឲ្យដឹងថា នៅថ្ងៃទី០១ ខែសីហា ឆ្នាំ២០២២​ វេលាម៉ោង​២១និង៤០នាទី​ កម្លាំងជំនាញការិយាល័យព្រហ្មទណ្ឌកម្រិតស្រាល ចុះល្បាតតាមដងផ្លូវ៦០៨ សង្កាត់បឹងកក់ទី២ ខណ្ឌទួលគោក រាជធានី​ភ្នំពេញ​ ក៏ប្រទះឃើញជនសង្ស័យ​​ ជិះម៉ូតូចំនួន០២គ្រឿង មានគ្នាចំនួន០៤នាក់ បានធ្វើសកម្មភាពឆក់ទូរស័ព្ទពីនារីរងគ្រោះ កំពុងជិះម៉ូតូកង់បីឥណ្ឌា​បានសម្រេច ។

ពេលនោះកម្លាំងជំ​នាញ​ធ្វើការប្រដេញ រហូតដល់ចំណុចផ្លូវលេខ៩៣ សង្កាត់​ទួលសង្កែទី១ ខណ្ឌឫស្សីកែវ រាជធានី​ភ្នំពេញ​ ទើបធ្វើការឃាត់ខ្លួនជនសង្ស័យបានចំនួន០៣នាក់រួមមាន៖​

១.ឈ្មោះ ឡូត​ ដារ៉ា ភេទប្រុស​ អាយុ១៦ឆ្នាំ​ ជនជាតិខ្មែរ​ មុខរបរ​ជាងពិដាន ស្នាក់នៅផ្ទះលេខ០៤A ផ្លូវ​លេខ៧៧៧​ សង្កាត់ទួលសង្កែទី១ ខណ្ឌ​ឫស្សីកែវ​ រាជធានី​ភ្នំពេញ​ ។ ២.ឈ្មោះ​ ឃិត​ វីសាល ភេទប្រុស​ អាយុ១៧ឆ្នាំ​ ជនជាតិខ្មែរ​ មុខរបរដឹកអីវ៉ាន់ ស្នាក់នៅផ្ទះលេខ១៧៣ ផ្លូវ៩៣ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។​ ៣.​ ឈ្មោះ​ ផន​ រស្មី​ អាយុ១៦ឆ្នាំ​ មុខរបរដឹកជញ្ជូន​ ស្នាក់នៅផ្ទះលេខជួល​ ផ្លូវលំ​ សង្កាត់ឫស្សីកែវ​ ខណ្ឌឫស្សីកែវ​ រាជធានីភ្នំពេញ ។

សម្ភារ:ដកហូត៖ -ម៉ូតូម៉ាកហុងដាស្តុបពី ពណ៌ស ពាក់ស្លាក​លេខ​ ភ្នំពេញ​ 1GS-1155 (បិទគូទ) ។ -ម៉ូតូម៉ាកហុងដាឌ្រីម​ C125​ ពណ៌ខ្មៅ​ ពាក់ស្លាកលេខ​ ភ្នំពេញ​ 1JO-4361 (ដៃដល់) ។

បច្ចុប្បន្ន​ ការិយាល័យបាននាំជនសង្ស័យខាងលើមក​ ដើម្បីធ្វើការសាកសួរ​ និងកសាងសំណុំរឿង បញ្ជូនទៅអយ្យការអមសាលាដំបូងរាជធានីភ្នំពេញ ចាត់ការតាមនីតិវិធី ៕

មតិយោបល់