បន្ទាយមានជ័យៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យុវជនម្នាក់ត្រូវបានពស់ស្រកាចាស់ចឹក ខណៈកំពុងដើរបិទទ្វារទ្រុងមាន់ តែក្រោយកើតហេតុភ្លាមៗ ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យទាន់ពេលវេលា ។
ករណីនេះកើតឡើងនៅវេលាម៉ោង២០និង១២នាទី ថ្ងៃទី២០ ខែតុលា ឆ្នាំ២០២២ នៅឯចម្ការមួយកន្លែង នៅត្រើយម្ខាងនៃស្ទឹងថ្មពួក ចំណុចគោកចាស់ ស្ថិតក្នុងភូមិអ្នកតា ឃុំថ្មពួក ស្រុកថ្មពួក ខេត្តបន្ទាយមានជ័យ ។
ជនរងគ្រោះឈ្មោះ ស្វាង វិចិត្រ ភេទអាយុ១៨ឆ្នាំ រស់នៅភូមិអ្នកតា ឃុំថ្មពួក ស្រុកថ្មពួក ។
លោក ដា ឈាន អតីតមេឃុំថ្មពួក បានឲ្យដឹងថា ដោយសារសុខភាពក្មួយប្រុសរឹងមាំផង ហើយមានស្មារតីមិនតក់ស្លុត គេបានវាយសម្លាប់ពស់នោះ ហើយទាក់ទងមកអ្នកជួយសង្គ្រោះ នាំទៅមន្ទីរពេទ្យបង្អែកថ្មពួកទាន់ពេល ។
សូមបញ្ជាក់ជូនថា ក្នុងចំណោមស្រុកក្រុងទាំង៩ នៃខេត្តបន្ទាយមានជ័យ មានចំនួនជនរងគ្រោះដោយពស់ចឹកពី៧០ទៅជាង២០០នាក់ក្នុង១ឆ្នាំៗ ។ ក្នុងនោះនៅស្រុកថ្មពួកមានអត្រាពស់ចឹកច្រើនជាងគេ ៕
មតិយោបល់