កោះកុង: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា ថ្ងៃសុក្រ ១១ កើត ខែកត្តិកឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី៤ ខែវិច្ឆិកា ឆ្នាំ២០២២ មានករណីដ៏គួរឲ្យរន្ធត់មួយបានកើតឡើងនៅវេលាម៉ោងប្រមាណ ៨:០០ នាទីយប់ នៅចំណុចក្នុងព្រៃ ស្ថិតក្នុងភូមិអូរជ្រៅ(ស្ទឹងឆាយ) ឃុំបឹងព្រាវ ស្រុកស្រែអំបិល ខេត្តកោះកុង សពរងគ្រោះមានឈ្មោះ គុយ ថេម ភេទ ប្រុស អាយុ ៤២ឆ្នាំ ជនជាតិខ្មែរ ជាប្រជាការពារ ។
តាមកាបំភ្លឺរបស់ប្រពន្ធឈ្មោះ ឈឹម ធា បាននិយាយថា កាលពីវេលាម៉ោងប្រមាណជា ១១:៣០នាទី គាត់បានខលទូរស័ព្ទទៅប្តីរបស់គាត់ តែមិនលើក ទើបនាំគ្នាទៅរក ស្រាប់តែប្រទះឃើញ ដេកស្លាប់ ដោយមានស្នាមស្នែងក្របីវ័ធ លើដងខ្លួនរបស់គាត់ និងស្នែងក្របីមានប្រលាក់ឈាម ។
បច្ចុប្បន្នសពត្រូវបានក្រុមគ្រួសារយកមកធ្វើបុណ្យតាមប្រពៃណី៕
មតិយោបល់