-

Update៖ រថយន្តស៊េរីទំនើបមួយគ្រឿងម៉ាក​ Range​ Rover​ ត្រូវអគ្គិភ័យឆេះអស់ទាំងស្រុងនៅ​លើ​ផ្លូវ​ល្បឿន​លឿន​ បណ្តាលមកពីឆ្លង​ចរន្ដអគ្គិសនី

កំពង់ស្ពឺ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពី​ថៃ្ង​០៨​ វិច្ឆិកា​ ឆ្នាំ​២០២២​ រថយន្ត​ Range​ Rover​ ស៊េរី​ទំនើប​មួយ​គ្រឿង​ បាន​ឆ្លង​ចរន្ដអគ្គិសនី​ ឆាបឆេះ​ខ្ទេច​គ្មាន​សល់​ ស្ថិត​នៅ​លើ​ផ្លូវ​ល្បឿន​លឿន​ គីឡូម៉ែត្រ​ ៥៦​ ស្ថិត​នៅ​ឃុំ​មហា​សាំង​ ស្រុក​ភ្នំស្រួច​ ខេត្តកំពង់ស្ពឺ ​។​

​តាម​ការ​ឱ្យ​ដឹង​ពី​លោក​វរសេនីយ៍ទោ​ ពៅ​ នឿ​ន​ អធិការ​ស្រុក​ភ្នំស្រួច​ ទទួល​បន្ទុក​ចរាចរណ៍​ផ្លូវគោក​បាន​បញ្ជាក់​ថា​ ក្រុម​ល្បឿន​លឿន​បាន​ស្នើ​សុំ​អន្ដរាគមន៍​ឲ្យ​សមត្ថកិច្ច ​ជួយ​យក​រថយន្ត​ពន្លត់​អគ្គិភ័យ​ ដើម្បី​ជួយ​បាញ់​ទឹក​ពន្លត់​ករណី​រថយន្ដ​ Range​ Rover​ ស៊េរី​ទំនើប​មួយ​គ្រឿង​ បាន​ឆាបឆេះ​នៅ​លើ​ផ្លូវ​ល្បឿន​លឿន​ គីឡូម៉ែត្រ​ ៥៦​ ដោយ​មិនដឹង​មូលហេតុ ​។​

​សមត្ថកិច្ច​នគរបាល​ នៃ​ស្នងការដ្ឋាន​នគរបាល​ខេត្តកំពង់ស្ពឺ​ តាម​បញ្ជា​លោក​ឧត្ដមសេនីយ៍ទោ​ សម​ សា​មួន​ ស្នងការ​នគរបាល​ខេត្ដកំពង់ស្ពឺ​ បាន​បញ្ជា​ឱ្យ​ចេញ​រថយន្ដ​អគ្គិភ័យ​ចំនួន​០២​គ្រឿង​ ទៅ​ជួយ​អន្ដរាគមន៍​បន្ទាន់​ តែ​ដោយសារ​តែ​ផ្លូវ​ដែល​រថយន្ដ​កំពុង​តែ​រង​គ្រោះ​ គឺ​ស្ថិត​នៅ​លើ​ផ្លូវ​ល្បឿន​លឿន​ ពិបាក​ក្នុង​ការ​ឡើង​អន្ដរាគមន៍​ ច្រកចូល​-​ឡើង​ផ្លូវ​មាននៅ​ឆ្ងាយ​ ការ​បើក​ឡើង​លើ​ផ្លូវ​ល្បឿន​លឿន​ គឺ​លំបាក​មិន​ងាយស្រួល​ដូច​ផ្លូវជាតិ​ធម្មតា​ទេ ​។​

​ទោះបីជា​យ៉ាងណា​ គ្រោះថ្នាក់​ឆេះ​រថយន្ដ​មួយ​គ្រឿង​នៅ​លើ​ផ្លូវ​ល្បឿន​លឿន​ មិន​បណ្ដាល​ឲ្យ​រង​របួស​មនុ​ស្សេ​ ប៉ុន្តែ​បាន​ឆេះ​រថយន្ដ​អស់ទាំង​ស្រុង​ ៕

មតិយោបល់