កណ្តាល: យោងតាមផេក នាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ បានឲ្យដឹងថា នៅថ្ងៃទី២០ ខែវិច្ឆិកា ឆ្នាំ២០២២ វេលាម៉ោង១៦និង៤៥នាទី លោកឧ.ត្រី ខេង ម៉េងឈាង បានដឹកនាំកម្លាំងជំនាញការិយាល័យ សហការជាមួយកម្លាំងជំនាញស្នងការដ្ឋាននគរបាលខេត្តកណ្តាល ធ្វើការបង្រ្កាប និងឃាត់ខ្លួនជនសង្ស័យឈ្មោះ សុខឃឿន ស៊ីផាត ភេទប្រុស អាយុ២១ឆ្នាំ ជនជាតិខ្មែរ ស្នាក់នៅភូមិតាលន់ ឃុំតាលន់ ស្រុកស្អាង ខេត្តកណ្តាល ពាក់ព័ន្ធករណី លួចមានស្ថានទម្ងន់ទោស (បណ្តាលឲ្យជនរងគ្រោះស្លាប់និងកន្លែងកើតហេតុ) ចំណែកអ្នកបើកម៉ូតូឈ្មោះ ផា សុភ័ណ្ឌ ភេទប្រុស អាយុ២៤ឆ្នាំ ជនជាតិខ្មែរ ជនជាតិខ្មែរ ស្នាក់នៅភូមិតាលន់ ឃុំតាលន់ ស្រុកស្អាង ខេត្តកណ្តាល (គេចខ្លួន) ។
សម្ភារ:ដកហូត៖ ម៉ូតូចំនួន០១គ្រឿង ម៉ាកហុងដាឌ្រី C125 ពណ៌ខ្មៅ ផ្លាកលេខកណ្ដាល 1-AB 6159 ។
គួររំលឹកដែរថា: កាលពីថ្ងៃទី១៩ ខែវិច្ឆិកា ឆ្នាំ២០២២ វេលាម៉ោង១៦និង៣០នាទី ជនរងគ្រោះឈ្មោះ ស៊ឹម រស្មី ភេទស្រី អាយុ៣២ឆ្នាំ ជនជាតិខ្មែរ បានបើកបរម៉ូតូឌុបកូនស្រីឈ្មោះ អារីកា អាយុ០៤ឆ្នាំ ជនជាតិខ្មែរ លុះពេលធ្វើដំណើរមកដល់ចំណុចបណ្តោយផ្លូវជាតិលេខ២១ ភូមិដើមព្រីង ឃុំកោះខែល ស្រុកស្អាង ខេត្តកណ្តាល ក្នុងទិសដៅពីត្បូងទៅជើង ស្រាប់តែមានជនសង្ស័យឈ្មោះ ផា សុភណ្ឌ័ (អ្នកបើកម៉ូតូ) និងឈ្មោះ សុខខឿន សុផាត (ជិះពីក្រោយ) បានធ្វើសកម្មភាពឆក់កាបូប ពីជនរងគ្រោះឈ្មោះ ស៊ឹម រស្មី បណ្ដាលឱ្យដួលម៉ូតូជនរងគ្រោះ ហើយខ្ទាតជនរងគ្រោះឈ្មោះ អារីកា ចូលទៅក្រោមរថយន្តកិនស្លាប់នៅនឹងកន្លែងកើតហេតុតែម្ដង ។ ក្រោយពីធ្វើសកម្មភាពរួច ជនសង្ស័យបានបើកម៉ូតូគេចខ្លួន ។
បច្ចុប្បន្ន កម្លាំងជំនាញការិយាល័យបានប្រគល់ជនសង្ស័យ ជូនកម្លាំងជំនាញស្នងការដ្ឋាននគរបាលខេត្តកណ្តាល ដើម្បីចាត់ការតាមនីតិវិធី ចំណែកបក្ខពួកឈ្មោះ ផា សុភ័ណ្ឌ កំពុងបន្តធ្វើការស្រាវជ្រាវ ៕
មតិយោបល់