ព័ត៌មានជាតិ

កម្លាំង​​នគរបាល​ស្រុក​បាណ​ន់​ ​បង្ក្រាប​​ល្បែងស៊ីសង​​ភ្នាល់​ជល់​មាន់​មួយ​ករណី​ ​ធ្វើការ​ឃាត់ខ្លួន​មនុស្ស​ចំនួន​០៣​នាក់

​បាត់ដំបង: ​យោងតាមផេក ​អគ្គស្នងការដ្ឋាននគរបាលជាតិ បានឲ្យដឹងថា កាលពី​ថ្ងៃ​ទី​០៥​ ខែធ្នូ​ ឆ្នាំ​២០២២​ វេលា​ម៉ោង​១៦​និង​៣០​នាទី​ កម្លាំង​ផ្នែក​ប្រឆាំង​គ្រឿងញៀន​ សហការ​ជាមួយ​កម្លាំង​អន្តរាគមន៍​ នៃ​អធិការដ្ឋាន​នគរបាល​ស្រុក​បាណ​ន់​ បាន​ចុះ​ប្រតិបត្តិការ​បង្ក្រាប​ករណី​ល្បែងស៊ីសង​ខុសច្បាប់​ (​ភ្នាល់​ជល់​មាន់​)​ ០១​ករណី​ និង​បាន​ធ្វើការ​នាំ​ខ្លួន​មនុស្ស​ចំនួន​០៣​នាក់​ មក​កាន់​អធិការដ្ឋាន​នគរបាល​ស្រុក​បាណ​ន់ ​។

​លោក​វរសេនីយ៍ឯក​ ប៉ាន់​ វ៉ា​ន់​នី​ អធិការ​នគរបាល​ស្រុក​បាណ​ន់​ បានឲ្យ​ដឹង​ថា​ ដោយ​អនុវត្ត​តាម​យោបល់​ដឹកនាំ​របស់​លោក​ឧត្តមសេនីយ៍ទោ​ សាត​ គឹ​ម​សាន​ ស្នងការ​នៃ​ស្នងការដ្ឋាន​នគរបាល​ខេត្តបាត់ដំបង​ រួម​នឹង​យោបល់​លោក​វរសេនីយ៍ឯក​ លឹ​ម​ ពុ​ទ្ធី​ឡា​ ស្នងការ​រង​ផែន​ការងារ​នគរបាល​ព្រហ្មទណ្ឌ​ លើ​ការងារ​បង្ក្រាប​រាល់​ល្បែងស៊ីសង​ខុសច្បាប់​ លោក​បាន​ដឹកនាំ​កម្លាំង​អធិការដ្ឋាន​នគរបាល​ស្រុក​បាណ​ន់​ ធ្វើការ​បង្ក្រាប​នៅ​ចំណុច​ភូមិ​ចម្ការ​អូរ​ ឃុំ​ក​ន្ទឺ​២​ ស្រុក​បាណ​ន់​ ខេត្តបាត់ដំបង​ សមត្ថកិច្ច​បាន​នាំ​ខ្លួន​មនុស្ស​ ០៣​នាក់​ ១.​ឈ្មោះ​ រ៉ើ​ន​ សុធា​ភេទ​ប្រុស​ អាយុ​៣៤​ឆ្នាំ​ មាន​ទីលំនៅ​ភូមិ​ចម្ការ​អូរ​ ឃុំ​ក​ន្ទឺ​២​ ស្រុក​បាណ​ន់​ ខេត្តបាត់ដំបង​ ២.​ឈ្មោះ​ សឿ​ន​ ម៉ឹប​ ភេទ​ប្រុស​ អាយុ​ ៥៨​ឆ្នាំ​ មាន​ទីលំនៅ​ ភូមិ​ឆាយ​រំពាត់​ ឃុំ​ក​ន្ទឺ​២​ ស្រុក​បាណ​ន់​ ខេត្តបាត់ដំបង​ និង​៣.​ឈ្មោះ​ ផា​ន​ សំណាង​ ភេទ​ប្រុស​ អាយុ​៣០​ឆ្នាំ​ មាន​ទីលំនៅ​ភូមិ​វត្ត​ក​ន្ទឺ​ ឃុំ​ក​ន្ទឺ​១​ ស្រុក​បាណ​ន់​ ខេត្តបាត់ដំបង​។​ 

​វត្ថុ​តាង​ដកហូត​រួម​មាន​៖​ មាន់​ឈ្មោល​ចំនួន​ ០១​ក្បាល​,​ កៅស៊ូ​ហ៊ុំ​ធ្វើ​សង្វៀន​ប្រជល់​មាន់​ ០១,​ ចង្ក្រានហ្គាស​ ០១,​ ឆ្នាំង​សំរាប់​ដាំទឹក​ស្អំ​មាន់​ ០១,​ ធុង​ជ័រ​ចំនួន​ ០១,​ ម៉ូតូ​ចំនួន​ ១០​គ្រឿង​,​ ទូរស័ព្ទ​ដៃ​ចំនួន​ ០៣​គ្រឿង​។​

​បច្ចុប្បន្ន​ ជនសង្ស័យ​ទាំង​៣​នាក់​ និង​វត្ថុ​តាង​ខាងលើ​ នគរបាល​ស្រុក​បាណ​ន់​កំពុង​កសាង​សំណុំរឿង ​បញ្ជូន​ទៅ​ការិយាល័យ​ជំនាញ​ខេត្តបាត់ដំបង​ ដើម្បី​ចាត់ការ​បន្ត​តាម​នីតិវិធី ​៕

មតិយោបល់