ភ្នំពេញៈ នាវេលាម៉ោង១១និង៣០នាទីយប់ថ្ងៃទី១៩ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍ មួយបានកើតឡើង រថយន្តស៊េរីទំនើបម៉ាក FORTHIN មួយគ្រឿង បើកលឿនខ្វះការប្រុងប្រយ័ត្ន ជ្រុលទៅបុករថយន្ត តូយ៉ូតា ព្រូស ទីតាំងខាងលិចស្ពាននាគវត្តភ្នំ ស្ថិតតាមបណ្ដោយផ្លូវ៥១ កែងនឹងផ្លូវ១០៦ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ ។
ហេតុការណ៍៖ នៅមុនពេលកើតហេតុ គេឃើញប្តីប្រពន្ធមួយគូ បើកបររថយន្តមួយគ្រឿងម៉ាក តូយ៉ូតាព្រូស ពណ៌ទឹកប្រាក់ ពាក់ស្លាកលេខ ភ្នំពេញ 2BM-4532 ធ្វើដំណើរតាមបណ្ដោយផ្លូវ៥១ ទិសដៅពីជើងទៅត្បូង ពេលមកដល់ចំណុចកើតហេតុ បានបើកឆ្លងកាត់ផ្លូវ១០៦ ពេលនោះស្រាប់តែមានរថយន្ដមួយគ្រឿងទៀតម៉ាក FORTHING ពណ៌ស ពាក់ស្លាកលេខ ភ្នំពេញ 2BS-1211 បើកបរដោយបុរសនារីពីរនាក់ តាមបណ្ដោយផ្លូវ១០៦ មានទិសដៅពីកើតទៅលិចក្នុងល្បឿនលឿន ជ្រុលទៅបុកពេញទំហឹង បណ្តាលឲ្យយ៉ាងដំណំ ។
នៅក្រោយពេលកើតហេតុ ភាគីទាំងពីរចរចាមិនត្រូវគ្នា សមត្ថកិច្ចជំនាញវាស់វែងយករថយន្តទាំងពីរគ្រឿង យកទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននរគបាលរាជធានីភ្នំពេញ ដើម្បីរង់ចាំធ្វើការដោះស្រាយទៅតាមផ្លូវច្បាប់ ៕
មតិយោបល់