-

ករណីអគ្គិភ័យឆេះផ្ទះពលរដ្ឋ ២ខ្នង នៅខេត្តបាត់ដំបង

​បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា​ វេលា​ម៉ោង​ ០៣​និង​៤៥​នាទី​ព្រឹក​ នៅ​ថ្ងែ​ទី​០១​ ខែមករា​ ឆ្នាំ​២០២៣​ នៅ​ចំណុច​ក្រុម​ទី​១​ ភូមិ​ព្រែក​តា​ច្រែង​ ឃុំ​ព្រែក​នរិន្ទ​ ស្រុក​ឯក​ភ្នំ​ ខេត្តបាត់ដំបង​ មាន​ករណី​អគ្គិភ័យ​មួយ​កើតឡើង​ បណ្តាល​ឲ្យ​ឆេះ​ផ្ទះ​ចំនួន​២​ខ្នង​ ។​

​ម្ចាស់ផ្ទះ​ទី​១​មានឈ្មោះ​ ប៉ា​ល​ ប៉ែ​ត​ ភេទ​ប្រុស​ អាយុ​ ៥០​ឆ្នាំ​ រស់នៅ​ក្រុម​ទី​១​ ភូមិ​ព្រែក​តា​ច្រែង​ ឃុំ​ព្រែក​នរិន្ទ​ ស្រុក​ឯក​ភ្នំ​ ខេត្តបាត់ដំបង​ ដែល​មាន​ទំហំ​ ផ្ទះ​ទំហំ​៦​ម៉ែត្រ​ ×​ ៧​ម៉ែត្រ​ សង់​អំពី​ឈើ​ ប្រក់ស​ង្ក័​សី​ (​ឆេះ​អស់ទាំង​ស្រុង​)​ និង​ម្ចាស់ផ្ទះ​ទី​២​ឈ្មោះ​ ឆេ​ង​ សា​រិ​ ភេទ​ប្រុស​ អាយុ​ ៦៧​ឆ្នាំ​ រស់នៅ​ក្រុម​១​ ភូមិ​ព្រែក​តា​ច្រែង​ ឃុំ​ព្រែក​នរិន្ទ​ ស្រុក​ឯក​ភ្នំ​ ខេត្តបាត់ដំបង​ ដែល​មាន​ទំហំ​ ផ្ទះ​ទំហំ​ ៥​ម៉ែត្រ​ ×​ ៧​ម៉ែត្រ​ សង់​អំពី​ឈើ​ ប្រក់ស​ង្ក័​សី​ (​ឆេះ​អស់ទាំង​ស្រុង​)​ ។​
ចំពោះ​មូលហេតុ​ សមត្ថកិច្ច​យើង​កំពុងធ្វើការ​ស្រាវជ្រាវ​ ។​

​ករណី​នេះ​ កម្លាំង​នគរបាល​ស្រុក​ឯក​ភ្នំ​បាន​ដឹកនាំ​កម្លាំង​ចុះ​ពន្លត់​អគ្គិភ័យ​នេះ​ដោយ​ប្រើប្រាស់​រថយន្ត​ពន្លត់​អ​គិ្គ​ភ័យ​នៃ​អធិការ​ស្រុក​ចំនួន​ ០៤​គ្រឿង​ ទើប​គ្រប់គ្រង​ស្ថានការណ៍​អគ្គិភ័យ​នេះ​បាន​ទាំងស្រុង​ ៕

មតិយោបល់