បាត់ដំបង : នៅវេលាម៉ោង៣និង៣០នាទីព្រឹក នៅថ្ងៃទី២៤ ខែមករា ឆ្នាំ២០២៣ ត្រង់ចំណុចក្រុមទី៣ ភូមិកន្ទួត ឃុំសំឡូត ស្រុកសំឡូត ខេត្តបាត់ដំបង មានករណីអគ្គិភ័យមួយកើតឡើង បណ្តាលឲ្យឆេះផ្ទះចំនួន ១ខ្នងទាំងស្រុង ផ្ទះទំហំ ៧ម៉ែត្រ × ៩ម៉ែត្រ សង់ពីឈើ ប្រក់សង្ក័សី ជញ្ជាំងឈើ ធ្វើខ្ពស់ពីដី ។
ម្ចាស់ផ្ទះឈ្មោះ សំ ភឿន ភេទប្រុស អាយុ៣៦ឆ្នាំ រស់នៅភូមិកន្ទួត ឃុំសំឡូត ស្រុកសំឡូត ខេត្តបាត់ដំបង ។
សមត្ថកិច្ចបានឲ្យដឹងថា គ្រោះអគ្គិភ័យនេះគឺបណ្តាលមកពីឆ្លងចរន្តអគ្គិសនី នៅពេលម្ចាស់ផ្ទះរវល់នៅស្រោចទឹកទុរេននៅក្រោយផ្ទះចម្ងាយប្រហែល៣០០ម៉ែត្រ ។
សម្ភារ:ខូចខាតគោយន្តកន្ត្រៃចំនួន១គ្រឿង -បាស់៣ចំនួនគ្រាប់ អំភ្លីចំនួន១ -គ្រែដេកចំនួន២ -ឧបករណ៍ធ្វើកសិកម្ម -ម៉ាស៊ីនកាត់ស្មៅចំនួន១ -ម៉ាស៊ីនអារឈើចំនួន១ -នង្គ័លចំនួន១ -ផាលភ្ជួររាស់ចំនួន១ -រនាស់ចំនួន១ -ជញ្ជីងធំចំនួន១ -ម៉ូទ័រឈូសឈើចំនួន១ -ម៉ូទ័រស្វានចំនួន២ -ម៉ូទ័រឆាបចំនួន២ -ម៉ាសីនបូមខ្យល់ចំនួន១ -ម៉ូទ័របុកគ្រឹះចំនួន១ -របស់របរប្រើប្រាស់មួយចំនួនទៀត ។
ករណីនេះ កម្លាំងនគរបាលស្រុកសំឡូតបានដឹកនាំកម្លាំងចុះពន្លត់អគ្គិភ័យនេះដោយប្រើប្រាស់រថយន្តពន្លត់អគិ្គភ័យនៃអធិការស្រុកចំនួន១គ្រឿង ទើបគ្រប់គ្រងស្ថានការណ៍អគ្គីភ័យនេះបានទាំងស្រុង ៕
មតិយោបល់