ព័ត៌មានជាតិ

បុរស​ម្នាក់​បាន​ចង​.​ក​សម្លាប់​ខ្លួន​នៅ​លើ​ដើមឈើ​ខាងត្បូង​ផ្ទះ​ មិនដឹង​មូលហេតុ​

បាត់ដំបង: យោងតាមផេក អគ្គស្នងកាដ្ឋាននគបានៅ​ថ្ងៃ​ទី​៣១​ ខែមករា​ ឆ្នាំ​២០២៣​ ម៉ោង​២២​និង​២០​នាទី​ ត្រង់​ចំណុច​ក្រុម​ទី​១២​ ភូមិ​បញ្ញា​ ឃុំ​កំពង់ព្រះ​ ស្រុក​សង្កែ​ ខេត្តបាត់ដំបង​ មាន​ករណី​មនុស្ស​ធ្វើ​អត្តឃាត​(​ចងក​សម្លាប់​ខ្លួន​)​ ។​
​សព​មានឈ្មោះ​ ដុ​ង​ ចាន់​ថន​ ភេទ​ប្រុស​ អាយុ​៣៥​ឆ្នាំ​ រស់នៅ​ភូមិ​បញ្ញា​ ឃុំ​កំពង់ព្រះ​ ស្រុក​សង្កែ​ ខេត្តបាត់ដំបង​ មុខរបរ​កម្មករ​សំណង់​ ។​
​តាម​ការ​បំភ្លឺ​ពី​ស្ត្រី​ជា​ប្រពន្ធ​ឈ្មោះ​ ពេញ​ ចិន្តា​ អាយុ​២៩​ឆ្នាំ​ បាន​ឲ្យ​ដឹង​ថា​ នៅ​ថ្ងៃ​ទី​៣១​ ខែមករា​ ឆ្នាំ​២០២៣​ វេលា​ម៉ោង​ប្រហែល​១៨​និង​១៥​នាទី​ ប្ដី​ខ្លួន​បាន​យំ​ឱប​កូន​ដោយ​ពោល​ពាក្យ​ថា​ លា​ហើយៗ​ព្រោះ​គាត់​ស្រវឹងស្រា​ ។​ បន្ទាប់​មក​ ប្ដី​ខ្លួន​ក៏​ដើរ​សំដៅ​ទៅ​ព្រៃ​ខាងកើត​ផ្ទះ​ចម្ងាយ​ប្រហែល​ ៥០០​ម៉ែត្រ​ ខ្លួន​និង​ពូ​មីង​អ្នក​ជិតខាង​ តាម​ទៅ​រកតែ​មិនឃើញ​ ហើយ​ពូ​មីង​អ្នក​ជិតខាង​ក៏​នាំ​គ្នា​ត្រឡប់​មក​ផ្ទះ​វិញ​ តែ​ខ្លួន​នៅ​តែ​បន្ត​រក​ទៀត​ក៏​ប្រទះ​ឃើញ​សព​ប្ដី​ស្លាប់​ដោយ​ចងក​ (​ប្រើ​ខ្សែ​អង្រឹង​)​ដើម​ឥ​សាន​ខាងត្បូង​ផ្ទះ​ រួច​ក៏​នាំ​គ្នា​កាត់​ចំណង​យក​សព​ប្ដី​ខ្លួន​ធ្វើបុណ្យ​នៅផ្ទះ​រួច​ក៏​ រាយការណ៍​ជូន​សមត្ថកិច្ច​ ។​
​ក្រោយ​ពី​ទទួល​បាន​ព័ត៌មាន​ កម្លាំង​នគរបាល​ផ្នែក​ជំនាញ​អធិការ​ស្រុក​សង្កែ​ សហការ​ជាមួយ​លោកគ្រូ​ពេទ្យ​ជំនាញ​ បាន​ចុះ​ត្រួតពិនិត្យ​និង​វិភាគ​ទីកន្លែង​កើតហេតុ​ ។​ ដោយ​បាន​សន្និដ្ឋាន​ថា​ ឈ្មោះ​ ដុ​ង​ ចាន់​ថន​ ពិតជា​ចងក​សម្លាប់​ខ្លួន​ស្លាប់​ពិតប្រាកដ​មែន​ រួច​បាន​ប្រគល់​សព​ជូន​ទៅ​ឲ្យ​ក្រុម​គ្រួសារ​ដើម្បី​យក​ទៅ​ធ្វើបុណ្យ​តាម​ ប្រពៃណី​ ៕

មតិយោបល់