កណ្ដាល: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា ថ្ងៃទី១៧ ខែតុលា ឆ្នាំ២០២២ ម៉ោង០៧និង០០នាទី មានករណីអំពើលួច (ទូរសព្ទ) ចំណុចផ្ទះជួលរបស់ជនរងគ្រោះ ភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។

ជនសង្ស័យឈ្មោះ រុំ បូរ៉ា ភេទប្រុស អាយុ ២២ឆ្នាំ ជនជាតិខ្មែរ មានស្រុកកំណើត ភូមិបឹងរាច់ ឃុំអង្គរទ្រេត ស្រុកស្វាយអន្ទរ ខេត្តព្រៃវែង ស្នាក់នៅមិនពិតប្រាកដ មុខរបរមិនពិតប្រាកដ (ឃាត់ខ្លួន)។
វត្ថុតាងចាប់យក៖
-ទូរសព្ទ០១គ្រឿងម៉ាក ViVO ពណ៌ផ្ទៃមេឃ (របស់ជនរងគ្រោះយកបានមកវិញ)។

កាលពីវេលាកើតហេតុខាងលើ នៅពេលជនរងគ្រោះកំពុងជាប់រវល់លក់ដូរ ពេលនោះក៏ស្រាប់តែឃើញជនសង្ស័យដើរមកដល់កន្លែងគាត់ ហើយធ្វើជារកទិញបាយហូប ឆ្លៀតពេលជនរងគ្រោះកំពុងជាប់រវល់ ក៏ស្រាប់តែជនសង្ស័យបានលួចទូរសព្ទរបស់ជនរងគ្រោះ ០១គ្រឿងម៉ាក ViVo ដែលបានសាកថ្មទុកលើតុ ហើយយករត់គេចខ្លួនបាត់ទៅ ។
លុះមកដល់ថ្ងៃទី២០ ខែតុលា ឆ្នាំ២០២២ ទើបជនរងគ្រោះបានមកដាក់ពាក្យបណ្តឹងនៅប៉ុស្តិ៍កំពង់សំណាញ់ ឲ្យជួយស្រាវជ្រាវស្វែងរកជនសង្ស័យ រហូតឃាត់ខ្លួនជនសង្ស័យព្រមទាំងវត្ថុតាងបានមកវិញ យកមកសាកសួរនៅប៉ុស្តិ៍និងបញ្ជូនបន្តរទៅអធិការដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធីតែម្តង៕