ព័ត៌មានជាតិ

ជនសង្ស័យចំនួន២នាក់ ពាក់ព័ន្ធករណីជួញដូរ និងរក្សាទុកដោយខុសច្បាប់ នូវសារធាតុញៀន ត្រូវបានកម្លាំងប៉ុស្តិ៍នគរបាលរដ្ឋបាលច្បារអំពៅទី២ បានធ្វើការបង្រ្កាបឃាត់ខ្លួន

ភ្នំពេញ : យោងតាមផេក ស្នងកាដ្ឋាននគរបាលរាជធានីភ្នំពេញ នៅថ្ងៃទី៣ ខែកុម្ភ: ឆ្នាំ២០២៣ កម្លាំងប៉ុស្តិ៍នគរបាលរដ្ឋបាលច្បារអំពៅទី២ បានធ្វើការបង្រ្កាបឃាត់ខ្លួនជនសង្ស័យ ចំនួន២នាក់ ពាក់ព័ន្ធករណីជួញដូរ និងរក្សាទុកដោយខុសច្បាប់ នូវសារធាតុញៀន ដកហូតក្រាមសថ្លាសង្ស័យជាគ្រឿងចំនួន១០កញ្ចប់។
ករណីទី១៖ ឃាត់ខ្លួនជនសង្ស័យឈ្មោះ រិទ្ធ វិរះ ហៅ សុខ ភឿក ភេទ ប្រុស ជនជាតិ វៀតណាម មុខរបរ មិនពិតប្រាកដ មានទីលំនៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ នៅចំណុចផ្ទះគ្មានលេខ ផ្លូវបេតុង ភូមិ ដើមចាន់ សង្កាត់ច្បារអំពៅ២ និងដកហូតក្រាមពណ៌សថ្លា សង្ស័យសារធាតុញៀន ចំនួន ០៧កញ្ចប់ថង់តូច។
ករណីទី២៖ ឃាត់ខ្លួនជនសង្ស័យឈ្មោះ ញិល ដារ៉ា ភេទ ប្រុស ជនជាតិ ខ្មែរ មុខរបរ មិនពិតប្រាកដ មានទីលំនៅភូមិដើមស្លែង សង្កាច្បារអំពៅ២ ខណ្ឌច្បារអំពៅ រាជធានីភ្នំពេញ នៅចំណុចបណ្ដោយផ្លូវបេតុង ក្នុងភូមិដើមស្លែង សង្កាត់ច្បារអំពៅទី២ និងដកហូតក្រាមពណ៌សថ្លា សង្ស័យសារធាតុញៀនចំនួន ០៣កញ្ចប់ថងតូច។
បច្ចុប្បន្ន​ជន​សង្ស័យ​ខាងលើ កំពុងឃាត់ខ្លួននៅអធិការ​ដ្ឋាននគរបាលខណ្ឌច្បារអំពៅ ដើម្បី​កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕

មតិយោបល់