Post News Media ព័ត៌មានជាតិ ស្ដ្រីម្នាក់ត...

ស្ដ្រីម្នាក់តូចចិត្តនឹងជំងឺប្រចាំកាយ សម្រេចចិត្តចង កសម្លាប់ខ្លួន

បាត់ដំបង: មានការភ្ញាក់ផ្អើលមួយបានកើតឡើង ដោយសារតែគេបានប្រទះឃើញស្ត្រីម្នាក់បានចង ក ព្យួរនៅលើដើម អំពិលខាងក្រោយភូមិទាំងព្រឹក បន្ទាប់ពីស្ត្រីរូបនេះ ធ្លាប់ពោលអំពីអាការ: រោគប្រចាំកាយរបស់នាង  ដែលធ្វើឲ្យនាងមានការពិបាកចិត្ត ជាប់ជាប្រចាំ ដោយគ្មានការសប្បាយចិត្តទាល់តែសោះ ។

ករណីនេះ ត្រូវបានប្រជាពលរដ្ឋប្រទះឃើញ កាលពីវេលាម៉ោង៩ និង៣០ នាទីព្រឹកថ្ងៃទី២៦ ខែសីហា  ឆ្នាំ២០១៦  នៅត្រង់ចំណុច ក្រុមទី១៣  ភូមិរូងអំពិល  ឃុំខ្នាចរមាស ស្រុកបវេល ខេត្តបាត់ដំបង ។

យោងតាមរបាយការណ៍របស់សមត្ថកិច្ច  បានឲ្យដឹងថា ស្ដ្រីរងគ្រោះរូបនេះ ឈ្មោះ  យ៉ាំង  ឡែន  អាយុ៣៨ឆ្នាំ  រស់នៅភូមិបាល្ល័ង្គលើ  ឃុំខ្នាចរមាស  ស្រុកបវេល។ នៅពេលសមត្ថកិច្ចចុះទៅត្រួតពិនិត្យ គឺសង្កេតឃើញថា ស្ត្រីរងគ្រោះបានប្រើប្រាស់ខ្សែគោពណ៌ស  ដើម្បីចង ក ទៅនឹងមែកអំពិល  ក្បែរមាត់អូរ  ដែលស្ថិតនៅខាងជើងឈៀងខាងលិច ចម្ងាយប្រមាណ ៧០ ម៉ែត្រ  ពីផ្ទះម្តាយ ជនរងគ្រោះ  ត្រង់ចំណុចកើតហេតុខាងលើ  ហើយពិតជាបានធ្វើអត្តឃាតដោយចង ក សម្លាប់ខ្លួនយ៉ាងពិតប្រាកដ ដោយគ្មានពាក់ព័ន្ធទៅ នឹងករណីឃាតកម្មអ្វីនោះឡើយ ។

តាមការរៀបរាប់ពីក្រុមគ្រួសារ  បានឲ្យដឹងថា ស្ត្រីរងគ្រោះធ្លាប់មានរោគប្រចាំកាយ ជាយូរមកហើយ គឺរោគខ្លាញ់រុំបេះដូង ដូច្នេះ ហើយបានជានាងសម្រេចចិត្ត ធ្វើអត្តឃាតសម្លាប់ខ្លួនតែម្តង ។ ក្រោយពេលត្រួតពិនិត្យ សមត្ថកិច្ចបានប្រគល់សពស្ត្រីរងគ្រោះទៅឲ្យ ក្រុមគ្រួសាររៀបចំធ្វើបុណ្យតាមប្រពៃណីហើយ ៕

​ស្ដ្រីម្នាក់​​តូចចិត្ត​នឹង​ជំងឺ​ប្រចាំកាយ (3)

​ស្ដ្រីម្នាក់​​តូចចិត្ត​នឹង​ជំងឺ​ប្រចាំកាយ (2)

​ស្ដ្រីម្នាក់​​តូចចិត្ត​នឹង​ជំងឺ​ប្រចាំកាយ (1)

Loading...