កណ្តាល:យោងតាមផេកនាយកដ្ឋាននគរបាលបង្ការពន្លត់អគ្គិភ័យបានឲ្យដឹងថា (ព័ត៌មានលម្អិត) ថ្ងៃសោរ៍ ១៣រោច ខែ បឋមាសាឍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៥ ខែ កក្កដា ឆ្នាំ២០២៣ វេលាម៉ោង ១០:៤០ នាទីព្រឹក មានករណីអគ្គិភ័យឆេះផ្ទះអស់ចំនួន០២ខ្នង និងរោងគោ រោលជញ្ជាំងផ្ទះល្វែងមួយជំហៀងនៅចំណុចភូមិកោះទៀវ(ក) សង្កាត់សំពៅពូន ក្រុងសំពៅពូន ខេត្តកណ្តាល ម្ចាស់ផ្ទះរងគ្រោះឈ្មោះ ឈន វុន ភេទ ស្រី អាយុ ៦៣ ឆ្នាំ ជនជាតិ ខ្មែរ មានទីលំនៅភូមិកើតហេតុ។
+ ប្រភេទសំណង់: ផ្ទះសង់អំពីឈើ ដំបូលប្រកក្បឿង ទំហំ ១២ម៉ែត្រx៧ម៉ែ្រត ឆេះខូចខាតទាំងស្រុង។
ទី២- ឈ្មោះ ហុី នឿន ភេទ ស្រី អាយុ ៥៩ ឆ្នាំ ជនជាតិ ខ្មែរ មានទីលំនៅភូមិកើតហេតុ។
- ប្រភេទសំណង់: សង់អំពីឈើ ដំបូលប្រក់សង័្កសី ទំហំ១០ម៉ែត្រx៦ម៉ែត្រ ឆេះខូចខាតទាំងស្រុង។
ទី៣- ឈ្មោះ សន ឃីម ភេទ ប្រុស អាយុ ៤៥ ឆ្នាំ ជនជាតិ ខ្មែរ មានទីលំនៅភូមិកើតហេតុ។
- ប្រភេទសំណង់:សង់អំពីថ្ម ដំបូលប្រកក្បឿង ទំហំ ២៩x៦ម៉ែត្រ រោលជញ្ជាំងមួយចំហៀង។
ទី៤- ឈ្មោះ ម៉ន ផាន ភេទ ប្រុស អាយុ ៥០ ឆ្នាំ ជនជាតិ ខ្មែ មានទីលំនៅភូមិកើតហេតុ។
- ប្រភេទសំណង់:រោងសង់អំពីឈើ ប្រកសង្ក័សី ទំហំ១២ម៉ែត្រx៧ម៉ែត្រ ឆេះបន្តិចបន្តួចនិងសម្ភារ:មួយចំនួន។
+ សម្ភារ:ខូចខាតរួមមាន:
– ឆេះផ្ទះអស់ទាំងស្រុងចំនួន០២ខ្នង។
- ឆេះផ្ទះអស់មួយចំហៀងចំនួន០១ខ្នង។
- ឆេះសំយ៉ាបផ្ទះចំនួន០១ខ្នង។
- ឆេះរោងគោដាក់សម្ភារ:បន្តិចបន្តួច ចំនួន១ខ្នង។
- សំភារ:មួយចំនួន។
+ មូលហេតុ: បណ្តាលមកពីឆ្លងចរន្តអគ្គិសនី (ទុស្សេខ្សែភ្លើង) ចេញពីផ្ទះឈនរុន ។
+ កងកម្លាំងបង្ការពន្លត់អគ្គីភ័យនិងសង្គ្រោះបានប្រើប្រាស់រថយន្តពន្លត់អគ្គីភ័យ៖
- រថយន្តពន្លត់អគ្គិភ័យរបស់ការិយាល័យបង្ការ និង ពន្លត់អគ្គិភ័យ នៃស្នងការនគរបាលខេត្តកណ្តាលចំនួន០២គ្រឿង ប្រើប្រាស់ទឹកអស់០២រថយន្ត។
- រថយន្តពន្លត់អគ្គិភ័យរបស់អធិការដ្ឋាននគរបាលស្រុកកោះធំ ចំនួន០១គ្រឿង ប្រើប្រាស់ទឹកអស់០១រថយន្ត។
- រថយន្តពន្លត់អគី្គភ័យរបស់អធិការដ្ឋាននគរបាលស្រុកស្អាងចំនួន០១គ្រឿង ប្រើប្រាស់ទឹកអស់០១រថយន្ត។
- សរុបប្រើប្រាស់ទឹកអស់០៤រថយន្ត ទើបរលត់ជាស្ថាពរនៅវេលាម៉ោង ១២:៣៥ នាទីថ្ងៃត្រង់ ថ្ងៃខែឆ្នាំដដែល។
+ ករណីខាងលើនេះមិនបណ្ដាលឲ្យគ្រោះដល់អាយុជីវិតមនុស្សឡើយ។
មតិយោបល់