បាត់ដំបង:ប្រភពយោងតាមផេកនាយកដ្ឋាននគរបាលបង្ការពន្លត់អគ្គិភ័យបានឲ្យដឹងថា ថ្ងៃ អង្គារ ៧រោច ខែ ទុតិយាសាឍ ឆ្នាំ ថោះ បញ្ចស័ក ព.ស ២៥៦៧ ត្រូវនឹងថ្ងៃទី០៨ ខែ​ សីហា ឆ្នាំ​២០២៣​ នៅវេលាម៉ោង ១២:១០​ នាទី នៅចំណុចក្រុមទី០៩ ភូមិនិគមក្នុង ឃុំជ្រោយស្ដៅ ស្រុកថ្មគោល ខេត្តបាត់ដំបង មានករណីអគ្គិភ័យផ្ទុះធុងហ្គាសបានកើតឡើងចំនួនមួយលើក បណ្តាល​ឲ្យ​ឆេះផ្ទះចំនួន០១ខ្នងឆេះទាំងស្រុងទំហំ ៤x៨​ មែត្រ​ ជញ្ជាំងស័ង្កសី ដំបូលប្រក់ស័ង្កសី ម្ចាស់ផ្ទះឈ្មោះ ហេវ យុត ភេទ​ ប្រុស អាយុ ៥១​ ឆ្នាំ រស់នៅកន្លែងកើតហេតុខាងលើ។
+​ សម្ភារខូចខាតរួមមាន:
-​ ឆេះផ្ទះចំនួន ០១​ ខ្នង
-​ គោយន្តកន្ត្រៃចំនួន​ ០១ គ្រឿង
– រថយន្តតូរីសចំនួន ០១ គ្រឿង
– ទូរទឹកកក​ចំនួន​ ០១
– ម៉ាស៉ីនកិនស្រូវចំនួន ០១
– ម៉ាស៉ីនហាន់ដើមចេកចំនួន ០១
– តុបាយចំនួន ០១
– គ្រែដេកចំនួន ០២
– ថវិកាចំនួន ៣,០០០​ បាត
– ទូរទស្សន៍ចំនួន ០១ គ្រឿង ។
+ សរុបជាទឹកប្រាក់ចំនួន ១៦,០០០ដុល្លារ ។
+​ មូលហេតុ: បណ្តាល​មក​ពី​ឆ្លងចរន្តអគ្គិសនី ។
+​ កងកម្លាំង​បង្ការ​ពន្លត់​អគ្គីភ័យ​និង​សង្គ្រោះ​បានចេញរថយន្តពន្លត់អគ្គិភ័យចំនួន ០១​ គ្រឿង ប្រើប្រាស់ទឹកអស់ចំនួន០១រថយន្ត​។