កំពង់ស្ពឺ:នៅវេលាម៉ោង១៤:៥០នាទី មានករណីឆក់កាបូបយួរដៃពីជនរងគ្រោះនៅលេីកំណាត់ផ្លូវជាតិលេខ១៤ ៤០ ត្រង់ចំណុចភូមិទួលធ្នង់ សង្កាត់រការធំ ក្រុងច្បារមន ខេត្តកំពង់ស្ពឺ បង្កឡេីងដោយជនសង្ស័យ០២នាក់ប្រុស ម៉ូតូសេ១២៥ មួយគ្រឿងធ្វើសកម្មភាពរួចគេចខ្លួនបាត់។
ក្រោយទទួលព័ត៌មានខាងលេីជំនាញបានរាយការណ៍ជូនថ្នាក់ដឹកនាំ និងបានការចង្អុលណែនាំដ៏ខ្ពង់ខ្ពស់ពី លោកឧត្ដមសេនីយ៍ទោ សម សាមួន ស្នងការ នគរបាលខេត្ដ និងមានការចុះដឹកនាំបញ្ជាផ្ទាល់ពីជំនាញព្រហ្មទណ្ឌ នៅវេលាម៉ោង១៥:៥០នាទី ថៃ្ងទី១៦ សីហា ២០២៣ សមត្ថកិច្ចកំណត់មុខសញ្ញាសង្ស័យនិងឈានទៅឃាត់ខ្លួនឈ្មោះ ឌុច រីណា ភេទប្រុស ២១ឆ្នាំ រស់នៅភូមិបឹងទន្លាប់ ឃុំវល្លិសរ ស្រុកសំរោងទង ក្រោយការសាកសួរជនសង្ស័យឆ្លេីយថាមានបក្ខពួកម្នាក់ទៀត ឈ្មោះ អ៊ុំ សីហា ភេទប្រុស ២០ឆ្នាំ រស់នៅភូមិឃុំជាមួយគ្នា។
ជាក់ស្ដែងសមត្ថកិច្ចនគរបាលបានឃាត់ខ្លួនជនសង្ស័យបាន០២នាក់រួមជាមួយវត្ថុតាង(សម្ភារ:ឆក់បាន: ទូរស័ព្ទ ០៥គ្រឿង , កាតធនាគារ ០៣ , អត្ដសញ្ញាណប័ណ្ណសញ្ជាតិខ្មែរ ,ប័ណ្ណចាក់វ៉ាក់សាំង , ប័ណ្ណ បសស, សន្លឹកពន្ធ , ប័ណ្ណសម្គាល់មន្រ្ដីរាជការ , លុយ ២លានរៀល ) រួមជាមួយម៉ូតូមួយគ្រឿង ធ្វើសកម្មភាព ។ ក្នុងកាបូបជនរងគ្រោះមាន ទូរស័ព្ទដៃ០៣គ្រឿង , លុយ ៥លានរៀល រួមជា មួយសម្ភារ:ផ្សេងៗមួយចំនួនដូចខាងលេី ជនសង្ស័យចាយប្រាក់អស់៣លានរៀល។
បច្ចុប្បន្នសមត្ថកិច្ចបានកសាងសំណុំរឿងបញ្ជូនទៅស្នងការដ្ឋាននគរបាលខេត្ដកំពង់ស្ពឺ ចំណាត់ការតាមនីតិវិធីច្បាប់៕
មតិយោបល់