បាត់ដំបង:កាលពីយប់ថ្ងៃទី១៤ខែកញ្ញា ឆ្នាំ២០ ២៣វេលាម៉ោង២២និង៣០នាទីនៅចំណុចភូមិរំចេក៤សង្កាត់រតនះ ក្រុងបាត់ដំបង ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង
ក៏ដូចលោកវរសេនីយ៍ឯក សុខ និម ល ស្នងការរងផែនការងារប្រឆាំងគ្រឿងញៀនកម្លាំងការិយាល័យនគរបាល ប្រឆាំងគ្រឿងញៀនដែល មានលោកវរសេនី៍ទោ ប៉ាន ចាន់រិទ្ធ ជានាយការិយាល័យចូលរួមសហការជាមួយកម្លាំងការិយាល័យនគរបាលចរាចរណ៍ផ្លូវគោក ដែលមានលោកវរសេនីយ៍ឯក ចាន់ សុធី ជានាយការិយាល័យ និងកម្លាំងអធិការដ្ឋាននគរបាលក្រុងបាត់ដំង ដែលមានលោកវរសេនីយ៍ឯក ពេជ្រ សារ៉ែន ជាអធិ ការរួមជាមួយ កម្លាំងកងរាជអាវុធហត្ថខេត្តបាត់ដំបង បានចុះត្រួតពិនិត្យតាមដងផ្លូវ ស្វែងរកអ្នកបេីកបរ ក្រោមឥទ្ធិពល នៃគ្រឿងញៀននៅមូលដ្ឋានខាងលើនិងរកឃើញបញ្ហា នេះ ០១ ករណី ដោយឃាត់ខ្លួនជនសង្ស័យបានចំនួន ០២នាក់ មានឈ្មោះដូចខាងក្រោម៖ ១-ឈ្មោះ ឃឹ ម កូឡាសីលា ភេទប្រុសអាយុ ២១ ឆ្នាំមានទីលំនៅភូមិបោះពោធិ៍ ឃុំអដំបង១ស្រុកសង្កែ ខេត្តបាត់ ដំបង ។
២-ឈ្មោះ គុជ មនោ ភេទប្រុសអា យុ ៤៣ឆ្នាំ មានទីលំនៅភូមិព្រែកព្រះស្តេច សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង ។
-វត្ថុតាងរាប់យកបានរួមមាន៖
-ទូរស័ព្ទដៃចំនួន ០២គ្រឿង
-ថយន្តចំនួន ០១គ្រឿង ម៉ាកសាំយ៉ុង ពណ៌សំបកឪឡឹក។
-ម៉ូតូចំនួន ០១គ្រឿង ម៉ាកហុងដាក ពណ៌ខ្មៅ សេរីឆ្នាំ២០១៩ ។
ពេលនេះជនសង័្សយនិងវត្ថុតាងបាននិងកំពុងរៀបចំសំណុំរឿងបញ្ជូនទៅ សាលាដំបូងអនុវត្តតាមផ្លូវច្បាប់៕
មតិយោបល់