សព្វថ្ងៃអត្រានៃអ្នកប្រើប្រាស់កុំព្យូទ័រគឺមានចំនួនច្រើនគួរឲ្យកត់សម្គាល់ ស្ទើរតែគ្រប់វ័យទាំងអស់សុទ្ធសឹងតែចេះប្រើកុំព្យូទ័រ។ ម្យ៉ាងទៀតបច្ចុប្បន្នតម្លៃនៃកុំព្យូទ័រក៏មានមានតម្លៃថោកសមរម្យដែលអាចឲ្យអ្នកប្រើប្រាស់ភាគច្រើនមានលទ្ធភាពក្នុងការទិញយកមកប្រើជាលក្ខណៈផ្ទាល់ខ្លួន។ បើទោះបីជាមានមនុស្សជាច្រើនចេះប្រើប្រាស់កុំព្យូទ័រមែន ប៉ុន្តែអ្នកទាំងនោះក៏មិនសូវជាយល់ដឹងបានជ្រៅប៉ុន្មានឡើងទៅលើវិធីនៃការថែទាំកុំព្យូទ័រនៅពេលដែលមានបញ្ហា។ នៅពេលដែលកុំព្យូទ័រដើរយឺត នោះគឺជាសុបិន្តអាក្រក់សម្រាប់អ្នកប្រើប្រាស់ ហេតុផងដំបូងដែលពួកគាត់ចោទសួរឡើងថា តើហេតុអ្វីបានជាកុំព្យូទ័ររបស់គាត់ដើរយឺត? ចម្លើយអាចឆ្លើយបានច្រើនរបៀប ប៉ុន្តែមុននឹងសួរសំណួរនេះទៅកាន់អ្នកដទៃ លោកអ្នកគួរតែគិតខ្លួនឯងថា ហេតុអ្វីបានជាកុំព្យូទ័ររបស់ខ្ញុំដើរយឺត? តើខ្ញុំអាចធ្វើឲ្យវាដំណើរការលឿនដូចមុនបានទេ? ប្រាកដជាបាន ប្រើសិនបើលោកអ្នកជួបប្រទះនូវបញ្ហានេះ លោកអ្នកអាចដោះស្រាយវាដោយខ្លួនឯង។ ខាងក្រោយនេះជាចំណុចខ្លះៗដែលអ្នកប្រើប្រាស់គួរតែយល់ដឹង៖
-Disk Defragment ៖គឺជាមុខងារពិសេសម្យ៉ាងដែលប្រើសម្រាប់ធ្វើការរៀបចំឯកសារដែលមាននៅក្នុង Hard disk ឲ្យមានរបៀប និងរៀបចំផ្ទៃទំនេរឲ្យមានរបៀប។
-ScanDisk៖ ចែកទៅលើបញ្ហាដែលកើតមានឡើងលក្ខណៈ physical លើ Hard disk driveទាំងពីរចំណុចនេះលោកអ្នកអាចធ្វើវាយូរៗម្តង មិនចាំបាច់ធ្វើញឹកញ៉ាប់ក៏បានដែរ
-កម្មវិធី៖ លោកអ្នកអាចពិនិត្យទៅលើកម្មវិធី ព្រោះថាប្រសិនបើលោកអ្នកដំឡើងកម្មវិធីច្រើននោះវាអាចធ្វើឲ្យទំហំថាសរឹងរបស់លោកអ្នកអស់ និងម្យ៉ាងទៀតចូលពិនិត្យមើលទៅលើការ process របស់កម្មវិធីផង ប្រើសិនបើមិនចាំបាច់ប្រើទេ សូមបិទ Process វាចោល។ កុំព្យាយាមបើកកម្មវិធីច្រើនក្នុងពេលតែមួយប្រសិបបើមិនចំបាច់ ជាពិសេសកម្មវិធីណាដែលអ្នកមិនត្រូវការប្រើ អ្នកអាចលុបវាចោល។
-បិទ Auto update ៖ លោកអ្នកត្រូវបិទ Auto update របស់ប្រព័ន្ធដំណើរការ និងកម្មវិធីផ្សេងៗ ព្រោះថានៅពេលដែល កម្មវិធីវា update នូវជំនាន់ នោះវានឹងធ្វើឲ្យកុំព្យូទ័ររបស់អ្នកដើរយឺត។
ទាំងនេះវាក្រាន់តែជាចំណុចមួយចំនួនដែលយើងបានលើកយកមកបង្ហាញប៉ុណ្ណោះ វាមានចំនួនជាច្រើនទៀតដែលអ្នកគួរតែស្វែងយល់ដឹងដោយខ្លួនឯង៕
មតិយោបល់