នៅរសៀល ថ្ងៃទី១០ ខែមករា ឆ្នាំ២០១២ នៅអធិការដ្ឋាននគរបាល ខណ្ឌចម្ការមន មានរៀបចំធ្វើសន្និសីទកាសែតមួយ ដើម្បីបង្ហាញមុខក្រុមចោរ ឆក់ និងប្លន់កក្រើកភ្នំពេញ៩នាក់នាពេលកន្លងមក បន្ទាប់ពីសមត្ថកិច្ចចាប់ខ្លួនបានជាបន្ដបន្ទាប់ ។
លោក វរសេនីយ៍ឯក អ៊ុច សុខុន អធិការនគរបាលខណ្ឌចម្ការមន និងលោក វរសេនីយ៍ត្រី ហាង សារ៉េត អធិការរង ទទួលបន្ទុកផ្នែកព្រហ្មទណ្ឌបានមាន ប្រសាសន៍ឱ្យដឹងថា ជនសង្ស័យជាចោរ ឆក់ និងប្លន់៩នាក់ ដែលធ្លាប់ធ្វើសកម្ម ភាពឆក់ និងបាញ់ប្លន់សម្លាប់មនុស្សយ៉ាង សាហាវនៅកណ្ដាលរាជធានីភ្នំពេញនាពេល កន្លងមក ត្រូវបានចាប់ខ្លួនជាបន្ដបន្ទាប់ រួមជាមួយវត្ថុតាងមួយចំនួនផងដែរ ។
លោក អធិការ អ៊ុច សុខុន បានឱ្យដឹង ថា ក្រុមចោរឆក់ដែលឃាត់ខ្លួនបាននៅ ពេលថ្មីៗនេះ រួមមាន ១-ឈ្មោះ អ៊ុក ឧត្ដម ភេទប្រុស អាយុ១៨ឆ្នាំ ជាសិស្ស រៀននៅវិទ្យាល័យបាក់ទូក ២-ឈ្មោះ នូ សុខម៉េង ភេទប្រុស អាយុ១៧ឆ្នាំ បាន ធ្វើសកម្មភាពឆក់យកទូរស័ព្ទដៃពីស្ដ្រី ជនជាតិទួរគី ត្រូវចាប់ខ្លួននៅផ្លូវលេខ៦៣ កែងផ្លូវ៣២២ សង្កាត់បឹងកេងកងទី១ ខណ្ឌចម្ការមន ។
ចំណែក ជនសង្ស័យ៧នាក់ទៀត ដែល ធ្វើសកម្មភាពប្លន់សម្លាប់មនុស្សយ៉ាង សាហាវនៅកណ្ដាលរាជធានីនោះ គឺត្រូវ បានកត់សម្គាល់ថា នៅថ្ងៃទី៧ ខែមករា ឆ្នាំ២០១២ វេលាម៉ោង២និង៣០នាទី រំលងអធ្រាត្រ បានប្លន់នារីរងគ្រោះឈ្មោះ នៅ សុគន្ធា អាយុ២៨ឆ្នាំ ជាបុគ្គលិក ក្រុមហ៊ុន IOC និងមិត្ដភក្ដិប្រុសជិះម៉ូតូ ម៉ាកស្គូពី ពណ៌ស ពាក់ស្លាកលេខភ្នំពេញ 1AT-5454 នៅមុខដីឡូត៍គ្មានលេខ ផ្លូវ ព្រះមុនីវង្ស សង្កាត់ទន្លេបាសាក់ ខណ: ជនរងគ្រោះឈប់ម៉ូតូនិយាយគ្នាលេង ដោយពេលនោះ ជនសង្ស័យ៣នាក់មាន ១-ឈ្មោះ តាំង ឈុនហេង ហៅ ខ្លា ២-ឈ្មោះ នី ពិសិដ្ឋ និង៣-ឈ្មោះ ហេង អូរ៉ាស៊ី ជិះម៉ូតូស្គូពីពណ៌សលាយ ក្រហម ពាក់ស្លាកលេខ ភ្នំពេញ 1AL-8141 ទៅភ្ជង់ជនរងគ្រោះយកម៉ូតូ ទៅលក់ឱ្យ ឈ្មោះ ហៃ ចំនួន១.០០០ដុល្លារ តែមិន ទាន់បានលុយ ។
នៅថ្ងៃ ទី២២ ខែធ្នូ ឆ្នាំ២០១១ វេលាម៉ោង៣និង៣០នាទី រំលងអធ្រាត្រ ជនរងគ្រោះឈ្មោះ ស្រូយ គៀង ភេទប្រុស អាយុ២១ឆ្នាំ ជិះម៉ូតូដឹក មិត្ដភក្ដិស្រី២នាក់ មកដល់មុខផ្ទះលេខ១ ផ្លូវ៩៥ សង្កាត់បឹងកេងកង២ ជនសង្ស័យ ៣នាក់ ដែលមាន ១-ឈ្មោះ អាប្រុស (កំពុងឃុំខ្លួននៅគុកព្រៃស) ២-ឈ្មោះ នី ពិសិដ្ឋ ៣-ឈ្មោះ អាស៊ី ជិះម៉ូតូស្គូពី ពណ៌សលាយក្រហម ភ្ជង់ជនរងគ្រោះ ខាងលើ យកម៉ូតូទៅលក់បាន១.០០០ ដុល្លារ នៅម្ដុំវត្ដនិរោធ ។
លោក អ៊ុច សុខុន បានឱ្យដឹងទៀតថា ដោយឡែកសកម្មភាពប្រព្រឹត្ដនៅខណ្ឌ ទួលគោកវិញ មានច្រើនករណីដែរ ដូច ជានៅថ្ងៃទី៦ ខែមករា ឆ្នាំ២០១២ វេលាម៉ោង៣និង១៥នាទីរំលងអធ្រាត្រ នៅ មុខផ្ទះលេខ១៦ ផ្លូវ២៩១ កែង៦១៤ សង្កាត់បឹងកក់២ ជនរងគ្រោះម្នាក់ឈ្មោះ សួន ឡងឌី ភេទប្រុស អាយុ២៣ឆ្នាំ មុខ របរ ជាអ្នកចាក់ឌីសនៅខារ៉ាអូខេឡងប៊ិច បា្លហ្សា ត្រូវជនសង្ស័យ៣នាក់បាញ់សម្លាប់ ប្លន់យកម៉ូតូតែមិនបានសម្រេច ។ ជន សង្ស័យទាំង៣នាក់ដែលធ្វើសកម្មភាព បាញ់ជនរងគ្រោះប្លន់យកម៉ូតូមិនបាន សម្រេចនេះមាន ១-ឈ្មោះ ហេង អូរ៉ាស៊ី ហៅ ហ្ស៊ី ភេទប្រុស អាយុ១៩ឆ្នាំ ជាអ្នក បាញ់ជនរងគ្រោះ ២-ឈ្មោះ នី ពិសិដ្ឋ ភេទប្រុស អាយុ១៩ឆ្នាំ អង្គុយកណ្ដាល ៣-ឈ្មោះ អាស្មី អាយុ២១ឆ្នាំ ជាអ្នកបើក ម៉ូតូកំពុងគេចខ្លួន ។
ដោយឡែក នៅថ្ងៃទី២៨ ខែធ្នូ ឆ្នាំ ២០១១ នៅមុខផ្ទះលេខ៦៧ ផ្លូវ២០៦ ក្រុមទី៥៤ ភូមិ៩ សង្កាត់ផ្សារដើមគ ខណ្ឌទួលគោក ជនរងគ្រោះម្នាក់ឈ្មោះ តាំង ស៊ីផេង អាយុ២៩ឆ្នាំ ត្រូវជនសង្ស័យ ៣នាក់ខាងលើ ភ្ជង់ប្លន់ដោយកាំភ្លើងខ្លី ម៉ាកកា៥៤ យកម៉ូតូ១គ្រឿងម៉ាកស្គូពី ពណ៌ក្រហម ពាក់ស្លាកលេខភ្នំពេញ 1AY-9377 ពីជនរងគ្រោះបានសម្រេច ។
ក្នុង នោះដែរ សមត្ថកិច្ចបានរឹបអូស យកម៉ូតូស្គូពី៥គ្រឿង និងអាយខុន១គ្រឿង ពីជនសង្ស័យ កាំភ្លើងខ្លីម៉ាកកា៥៤មួយ ដើមមាន១៨គ្រាប់ និងដាវសាមូរ៉ៃ ១ដើមផងដែរ៕
មតិយោបល់