ព័ត៌មានជាតិ

មហាវិថីព្រះមុនីវង្សចាប់ផ្ដើមអ៊ុតកៅស៊ូ ពីចំណុចស្ពានអាកាសក្បាលថ្នល់ដល់មហាវិថីសហព័ន្ធរុស្ស៊ីចំណុចភ្លើងស្តុបបេកាសេ

ភ្នំពេញ: រដ្ឋបាលរាជធានីភ្នំពេញបានយកចិត្តទុកដាក់ខ្លាំងណាស់លើការអភិវឌ្ឍន៍រាជធានីភ្នំពេញ ដោយបានកសាងហេដ្ឋារចនាសម្ព័ន្ធយ៉ាងច្រើននៅក្នុងរាជធានីភ្នំពេញ ដោយមិនគិតថា ថ្ងៃឬពេលយប់ឡើយ។ ជាក់ស្តែងសម្រាប់កំណាត់ផ្លូវព្រះមុនីវង្ស ដោយមើលឃើញថា កំណាត់ផ្លូវនេះទទួលរងនូវភាពស្រុត ផត រលក និងសឹករិចរិលនៃផ្ទៃកម្រាលកៅស៊ូថ្នល់នោះ រដ្ឋបាលរាជធានីភ្នំពេញ បានចាប់ផ្តើមអ៊ុតកៅស៊ូ Overlay ដោយចាប់ផ្តើមការដ្ឋានអ៊ុតកៅស៊ូ រៀងរាល់ពេលយប់ ចាប់ពីម៉ោង៩យប់ដល់ម៉ោង៥ទៀបភ្លឺ ចាប់ពីថ្ងៃទី៣០ ខែសីហា ឆ្នាំ២០១៦តទៅ។

មន្ត្រីរដ្ឋបាលរាជធានីភ្នំពេញបានឲ្យដឹងថា ដោយឆ្លងកាត់ការប្រើប្រាស់ផ្លូវអស់រយ:ពេល១៨ឆ្នាំ បានធ្វើឲ្យស្ថានភាពផ្លូវនៃមហាវិថីព្រះមុនីវង្ស រងនូវភាពស្រុត ផត រលក និងសឹករិចរិលនៃផ្ទៃកម្រាលកៅស៊ូថ្នល់។

ដើម្បីធានាបាននូវគុណភាពយូរអង្វែងទៅថ្ងៃអនាគត នៅថ្ងៃទី២៩ ខែសីហា ឆ្នាំ២០១៦នេះ រដ្ឋបាលរាជធានីភ្នំពេញ បានចាប់ផ្តើមអ៊ុតកៅស៊ូ Overlay នៅមហាវិថីព្រះមុនីវង្ស ចាប់ពីស្ពានអាកាសក្បាលថ្នល់ដល់មហាវិថីសហព័ន្ធរុស្ស៊ីចំណុចភ្លើងស្តុបបេកាសេ។

ការដ្ឋានអ៊ុតកៅស៊ូ នឹងដំណើរការរៀងរាល់ពេលយប់ ចាប់ពីម៉ោង៩យប់ ដល់ម៉ោង៥ទៀបភ្លឺ ចាប់ពីថ្ងៃទី៣០ ខែសីហា ឆ្នាំ២០១៦តទៅ៕

មហាវិថីមុនីវង្ស (5)

មហាវិថីមុនីវង្ស (1)

មហាវិថីមុនីវង្ស (2)

មហាវិថីមុនីវង្ស (3)

មហាវិថីមុនីវង្ស (4)

មតិយោបល់