សម្រាប់ថ្ងៃ CES 2012 នៅទីក្រុង Las Vigas មានក្រុមហ៊ុនខាងបច្ចេកវិទ្យាជាច្រើននឹងចូលរួមដាក់បង្ហាញនូវផលិតផល ក៏ដូចជាបច្ចេកវិទ្យារបស់ខ្លួន ដើម្បីបង្ហាញទស្សនិកជន ក្នុងនោះក្រុមហ៊ុន LG ក៏មានវត្តមានចូលរួមផងដែរ។ តើក្រុមហ៊ុន LG នឹងមានអ្វីសម្រាប់បង្ហាញ? ប្រាកដជាមាន ហើយអ្វីដែលលោកអ្នកនឹងឃើញនោះគឺជាផលិតផលមួយដែលមិនគួរឲ្យជឿ។ តើជាអ្វីទៅ? គឺទូរទស្សន៍ខ្នាតយក្សទំហំអេក្រង់ 55 អ៊ីង។ ចំណុចដែលពិសេសលើសនេះទៅទៀតនោះគឺថាទូរទស្សន៍មួយនេះមានកម្រាស់ត្រឹមតែ 4 មមប៉ុណ្ណោះ។ ឃើញថានេះជាសមិទ្ធិផលថ្មីដែលបម្រើឲ្យវិស័យបច្ចេកវិទ្យាមួយទៀតពីក្រុមហ៊ុន LG។ សម្រាប់ការបង្ហាញរូបភាពនៅលើផ្ទៃអេក្រង់ត្រូវបានចែកចេញជា ៤ ពណ៌ ជាលក្ខណៈពណ៌ធម្មជាតិសុទ្ធសាត ច្បាស់ត្រជាក់ភ្នែក មានអារម្មណ៍ហាក់ដូចជាស្ថិតនៅក្នុងពិភពធម្មជាតិពិតៗ៕
មតិយោបល់