Rafael Nadal កីឡាករ​ដែល​ធ្វើ​បាន​យ៉ាង​ល្អ​បំផុត​ក្នុង French Open នេះ បាន​បន្ត​អំណាចរបស់ខ្លួន​ដោយ​យក​ឈ្នះកីឡាករ មិត្តរួម​ជាតិ Nicolas Almagro ។​ស្របពេល​ដែល​មិត្តរួមជាតិ David Ferrer បាន​យក​ឈ្នះផង​ដែរ​នោះ ។​

ក្នុងការ​ប្រកួត​នេះដែរ Nadal បាន​យក​ឈ្នះ​យ៉ាង​ត្រចះត្រចង់​ដោយលទ្ធផល គ្រាប់បាល់ 7-6 (7-4) 6-2 6-3 ដែល​ធ្វើឡើងនៅលើទីលាន Roland Garros ក្នុងកម្មវិធី French Open កាល​ពីរាត្រី​ថ្ងៃ ពុធ ម្សិល​មិញ​នេះ ។​

ចំណែកកីឡាករ David Ferrer វិញគឺ យក​ឈ្នះ​យ៉ាង​ចាស់ដៃដូច​គ្នាផងដែរលើកីឡាករ សញ្ជាតិ ស្កុត​លេន Andy Murray ដោយ​លទ្ធផលគ្រាប់បាល់ 6-4 6-7 (3-7) 6-3 6-2 ដោយប្រើ​ថេរវេលា ក្រោម ១ ម៉ោង ក្នុងការ​ប្រកួត​ដណ្តើម​ពាន់រង្វាន់ French Open ដែលជា​ជំហាន​ឈាន​វគ្គ​ពាក់កណ្តាល​ផ្តាច់​ព្រ័ត្រ។

គួរ​បញ្ជកផងដែរថា សម្រាប់ Ferrer និង Nadal នឹងឡើង​ទៅជួប​មុខ​គ្នា​នៅវគ្គ​ពាក់​កណ្តាលផ្តាច់​ព្រ័ត្រ​នៅថ្ងៃស្អែកនេះ ផងដែរ ៕

ដោយ៖​ដារ៉ា