អ៊េស្ពូ,ហ្វាំងឡង់៖ថ្ងៃនេះNokiaប្រកាសថាខ្លួននឹងនាំយកហ្គែមល្បីរន្ទឺទូទាំងពិភពលោករបស់ក្រុមហ៊ុនZyngaដោយរាប់បញ្ចូលទាំងហ្គែម Draw Something និង Zynga Poker ផងមកដាក់ក្នុងNokia Store សម្រាប់ទាញយកមកលេងក្នុងទូរស័ព្ទNokia Asha Touch នៅក្នុងត្រីមាសទី៣ នាឆ្នាំ២០១២ នេះ។ ក្នុងចំណោមហ្គែមដ៏ច្រើនទាំងនោះហ្គែមដែលមានឈ្មោះថាDraw Something និង Zynga Poker នឹងមានដាក់ជូនឲ្យទាញយកដោយឥតគិតថ្លៃ។

សេចក្តីប្រកាសខាងលើគឺជាសក្ខីភាពនៃការប្តេជ្ញារបស់ Nokia ក្នុងការផ្តល់នូវ ”កម្មវិធី-ហ្គែមទូរស័ព្ទ”សំខាន់ៗជូនអ្នកប្រើប្រាស់ទូរស័ព្ទដៃធម្មតា ក៏ដូចជាទូរស័ព្ទសែស្រលាយ Ashaដែរ។ រយៈកាលកន្លងមកម្ចាស់ Nokia Ashaទទួលបានភាពរីករាយនឹងលេងហ្គែមជាច្រើនប្រភេទរួចមកហើយ តាមរយៈការចងសម្ព័ន្ធភាពរវាង Nokia និងក្រុមហ៊ុនហ្គែមធំៗដូចជា EA, Gameloft, Rovio, NAMCO BANDAI ។

លោកBryanBiniakប្រធានផ្នែកសហប្រតិបត្តិការនិងអភិវឌ្ឍន៍កម្មវិធីទូរស័ព្ទពិភពលោកបានលើកឡើងថា ៖ យើងរីករាយណាស់ដែលអាចបន្ថែមហ្គែមល្បីៗច្រើនទៀតចូលទៅក្នុងទូរស័ព្ទ Nokia ស៊េរី Ashaដើម្បីឲ្យអ្នកប្រើប្រាស់កាន់តែទទួលបានភាពរីករាយកាន់តែច្រើន។ យើងមានផលិតផលរចនាល្អ ដាក់ ហ្គែម ពោលគឺយើងកំពុងតែឆ្លើយតបទៅតាមអ្វីដែលអ្នកប្រើប្រាស់ត្រូវការនាពេលបច្ចុប្បន្ននេះ។

ផលិតផល Nokia Asha Touch បានត្រូវរចនាឡើងយ៉ាងល្អប្រណីត មានដំណើរការលឿន និងផ្តល់នូវ បទពិសោធន៍ប្រើប្រាស់គួរឲ្យចាប់អារម្មណ៍។ បច្ចុប្បន្ននេះ Nokia Asha Touch មានពីរម៉ូដែលគឺ ៖

• NokiaAsha311មានTouch រលូនល្អ,ទ្រទ្រង់បណ្តាញ3.5Gនិងប្រព័ន្ធWifi,មាន Processor1GHz ដែលជំរុញឲ្យទូរស័ព្ទដំណើរការលឿន។
• Nokia Asha 305ជាទូរស័ព្ទស៊ីមពីរ អាចប្តូរស៊ីមដោយពុំចាំបាច់បិទទូរស័ព្ទ៕