ក្រុមហ៊ុនផលិតរថយន្តស៊េរីទំនើបរបស់អង់គ្លេស Jaguar Land Rover និងក្រុមហ៊ុនផលិតរថយន្តចិន Chery Automobile បានចាប់ផ្ដើមបើកការដ្ឋានសាងសង់នូវរោងចក្រថ្មីនៅក្នុងខេត្ត Jiangsu ប្រទេសចិន។
ក្រុមហ៊ុនផលិតរថយន្តស៊េរីទំនើបរបស់អង់គ្លេស Jaguar Land Rover និងក្រុមហ៊ុនផលិតរថយន្តចិន Chery Automobile បានសហការគ្នាក្នុងការបង្កើតនូវទីផ្សាររថ្តយន្តអន្តរជាតិ ជាមួយនឹងយុទ្ធសាស្រ្ដទីផ្សារខ្ពស់។
យោងតាមកាលបរិច្ឆេទ ដែលបានកំណត់ រោងចក្រថ្មីនេះ នឹងអាចប្រតិបត្តិការបាននៅក្នុងខែកក្កដា ឆ្នាំ ២០១៤ ដែលតាមការរំពឹងទុក អាចផលិតរថយន្ត Land Rover ស្ព័របានចំនួន ៧៧.០០០គ្រឿង រថយន្ត SUV បាន ២៣.០០០គ្រឿង ជារៀងរាល់ឆ្នាំ ក្នុងឆ្នាំ ២០១៦។
នាយកប្រតិបត្តិក្រុមហ៊ុន Jaguar Land Rover លោក Ralf Speth និងលោក Yin Tongyao ដែលជា ប្រធានក្រុមហ៊ុន Chery Automobile បានថ្លែងជារួមមូយថា ក្រុមហ៊ុនទាំងពីរបានចាប់ផ្តើមធ្វើការរួមគ្នាដើម្បីបង្កើននូវចំណងមិត្តភាព និងកិច្ចសហប្រតិបត្តិការខ្ពស់ ជាពិសេសគឺដើម្បីវាយលុកទីផ្សាររថយន្តអន្តរជាតិ៕