លោក Masato Kitera មន្ត្រីអគ្គរដ្ឋទូតជប៉ុន ប្រចាំប្រទេសចិន និង លោក Uichiro Niwa អតីតមន្ត្រី ការទូតជប៉ុនប្រចាំប្រទេសចិន បាននិយាយថា ពូកគាត់មានជំនឿទុកចិត្តថា ទំនាក់ទំនងរវាងប្រទេសជប៉ុន និងចិន នឹងមានភាពប្រសើរឡើងវិញ។
ទីភ្នាក់ងារព័ត៌មានចិន ស៊ិនហួ បានដកស្រង់នូសម្ដីរបស់លោក Masato Kitera ថា ទំនាក់ទំនងគ្នាវិញទៅមក និងជាយុទ្ធសាស្ត្រយ៉ាងស៊ីជម្រៅ រវាងរដ្ឋាភិបាលក្រុងតូក្យូ និង ចិន រួមជាមួយការពង្រីកនូវទំនាក់ទំនងទ្វេភាគី បានបម្រើប្រយោជន៍ជាច្រើនសម្រាប់ភាគីទាំងពីរ។
មន្ត្រីអគ្គរដ្ឋទូតជប៉ុន ប្រចាំប្រទេសចិន បានបន្ដទៀតថា ប្រទេសជប៉ុន និងចិន បានបង្កើននូវទំនាក់ទំនងជាប្រវត្តិសាស្ត្រ ក្នុងរយៈកាលយូរអង្វែងកន្លង មកជាមួយគ្នានេះដែរ ប្រទេសទាំងពីរ គួរតែបន្តបង្កើតនូវទំនាក់ទំនងជាមិត្តភាពដ៏យូរអង្វែង នេះតាមរយៈគ្រប់ វិស័យទាំងអស់។
លោក Masato Kitera បានប្រាប់ភ្នាក់ងារព័ត៌មានចិនស៊ិនហួ ថា ការងារជាអទិភាពរបស់លោក ក្នុងប្រទេសចិន គឺការបង្កើននូវទំនាក់ទំនងរវាងប្រទេស ជប៉ុន និងចិនឡើងវិញ៕
មតិយោបល់