ចិន សង្ឃឹមថា រដ្ឋាភិបាលថ្មីនៃប្រទេសជប៉ុន និងចូលរួមបង្កើតនូវទំនាក់ទំនងល្អនឹងគ្នាឡើងវិញ ដើម្បីលុបបំបាត់ចោលនូវបញ្ហាទាំងឡាយ រួចវិលទៅកាន់ភាពអភិវឌ្ឍន៍សាជាថ្មី។ នេះបើយោងតាមការលើកឡើងរបស់អ្នកនាំពាក្យប្រចាំក្រសួងការបរទេសចិន បានឲ្យដឹងកាលពីថ្ងៃពុធ ទី២៦ ខែធ្នូ ឆ្នាំ២០១២កន្លងទៅ នេះ។
លោកស្រី Hua Chunying ជាអ្នកនាំពាក្យប្រចាំក្រសួងការបរទេសចិនបានលើកឡើងថា ចិនសង្ឃឹមថា រដ្ឋាភិបាលថ្មីរបស់ប្រទេសជប៉ុន បង្កើតនូវទំនាក់ទំនងល្អឡើងវិញជាមួយរដ្ឋាភិបាលក្រុងប៉េកាំង។
អ្នកស្រីបានបន្ថែមទៀតថា ការអភិវឌ្ឍន៍នូវទំនាក់ទំនងទ្វេភាគី ជាបំណងប្រាថ្នារបស់ប្រទេសទាំងពីរ ហើយវាក៏ ជាការផ្តល់នូវប្រយោជន៍សម្រាប់តំបន់អាស៊ីទាំងមូលផងដែរ ហើយក៏សង្ឃឹមថា ជប៉ុន នឹងដើរលើមាគ៌ា នៃការអភិវឌ្ឍនូវទំនាក់ទំនងប្រកបដោយសន្តិភាព ព្រមទាំង ដើរតួនាទីយ៉ាងសំខាន់ក្នុងការរក្សានូវសន្តិភាពក្នុងតំបន់៕
ព័ត៌មានជាតិ
មតិយោបល់