មកថ្មីទៀតហើយ គឺមុខប្ហូមចាស់ តែមិនប្រាកដថា ស្រួលធ្វើឡើយ មានស្ត្រីមេផ្ទះមួយចំនួនចង់ធ្វើមុខម្ហូបនេះសម្រាប់ជូនដល់ស្វាមី និងដៃគូស្នេហា និងកូនជាទីស្រលាញ់ តែស្រាប់តែភ្លេចនុវគ្រឿងផ្សំ មិនដឹងថា ធ្វើពីណាទៅណា និងមានអ្វីខ្លះ ។ ឈប់បារម្ភទៅ ថ្ងៃនេះដែរ គេហទំព័រ ដំណឹង បានលើកយកមុខម្ហូប ត្រីបឹងកញ្ឆែត មកចែកជូន ស្ត្រីមេផ្ទះជាទីស្រលាញ់ ដែលមានវិធីធ្វើ ក៏ដូចជាគ្រឿងផ្សំដូចខាងក្រោម៖
គ្រឿងផ្សំ
១ ត្រីឆ្តោរ រឺត្រីតាមលោកនាក់ចូលចិត្ត
២ កញ្ឆែតបេះលាងទឹកអោយស្អាត
៣ ខ្ទិះដូង គ្រឿងដុក ម្ទេសឆ្អើរចិញ្ចាំម ប្រេងសណ្តែក អំបិល ស្ករស ទឹកត្រី សណ្តែកដីបុក ក្រូចឆ្មា
វិធីធ្វើ
១ ត្រីយកទៅចានអោយឆ្អិន
២ យកម្ទេសឆ្អើរចិញ្ចាំមលីងអោយក្រហមឈ្ងុយ សឹមដាក់គ្រឿងបុកលីងជាមួយ រួចចាក់ខ្ទិះដូងរំងាស់ បង់អំបិល ស្ករស ទឹកត្រី ទឹកក្រូចឆ្មា ភ្លក់ល្មមតាមចំណូលចិត្តសឹមបង់សណ្តែកដីបុកចូល
៣ រៀបកញ្ឆែតពីក្រោមដាក់ត្រីចានពីលើ រួចសឹមស្រោចទឹកគ្រឿង(២) ពេលបរិភោគចាំបាច់ត្រូវដាក់ភ្លើងពីក្រោមខ្ទះ រឺឆ្នាំង ទើបទទួលទានឆ្ងាញ់៕
មតិយោបល់