បន្ទាប់ពីអំពើចាប់រំលោភ យ៉ាងសាហាវឃោរឃៅ ដែលបានបណ្តាលឲ្យនារីវ័យ ២៣ឆ្នាំ ជានិស្សិតសាលាពេទ្យម្នាក់ ស្លាប់នោះ មានការតវ៉ាជាច្រើនបានកើតឡើងពាសពេញផ្ទៃប្រទេសឥណ្ឌា។
យោងតាមទីភ្នាក់ងារសារព័ត៌មាន ស៊ិនហួ បានឲ្យដឹងថា នារីៗនៅក្នុងប្រទេសឥណ្ឌា ជាពិសេសគឺអ្នកដែលមានវ័យក្មេងបានមករៀននូវវិធីការពារខ្លួន នៅពេលដែលត្រូវគេចាប់រំលោភ ដោយនៅក្នុងនោះមានគ្រូជំនាញជាអ្នកបង្ហាត់។ កាលដែលពួកគេនាំគ្នាមករៀនបែបនេះ ព្រោះពួកគាត់យល់ឃើញថា មានតែខ្លួនឯងទេ ដែលអាចការពារខ្លួនបាននៅពេលជួបករណីចាប់រំលោភ។
គួរបញ្ជាក់ផងដែរថា នារីវ័យ ២៣ឆ្នាំ ជានិស្សិតសាលាពេទ្យម្នាក់ត្រូវបានក្រុមមនុស្ស ៦នាក់ចាប់រំលោភ ហើយបានស្លាប់ ក្រោយពេលបញ្ជូនទៅដល់មន្ទីរពេទ្យក្នុងប្រទេសសិង្ហបុរី៕
មតិយោបល់