ក្រោយពី សាធារណរដ្ឋប្រជាធិបតេយ្យប្រជាមានិតកូរ៉េខាងជើង បានប្រកាសបាញ់សាកល្បងគ្រាប់នុយក្លេអ៊ែរ អ្នកនាំពាក្យរបស់រដ្ឋមន្ត្រីការពារជាតិចិន បានអំពាវនាវសុំឲ្យគ្រប់ភាគី និងប្រទេសដែលពាក់ព័ន្ធទាំងអស់ រក្សានូវភាពស្ងប់ស្ងាត់។
លោក Hong Lei អ្នកនាំពាក្យរបស់រដ្ឋមន្ត្រីការពារជាតិចិន បាន សង្ឃឹមថា គ្រប់ភាគីពាក់ព័ន្ធទាំងអស់នឹងរក្សានូវភាពស្ងប់ស្ងាត់ បន្តការប្រុង ប្រយ័ត្ន ក៏ដូចជារក្សាកុំឲ្យមានសកម្មភាពណាមួយ ដែលអាចបង្កឲ្យស្ថានភាពក្នុងប្រទេស កាន់តែធ្ងន់ធ្ងរថែម ទៀត។
គួរបញ្ជាក់ផងដែរថា ក្រោយពីមានការថ្កោលទោសយ៉ាងខ្លាំងៗពីបណ្ដាលប្រទេសជាច្រើន ជាពិសេស ក្រុមប្រឹក្សាសន្តិសុខអង្គការ សហប្រជាជាតិ នៅថ្ងៃព្រហស្បតិ៍ ទី២៤ ខែមករា ប្រទេសកូរ៉េខាងជើង បាននិយាយថា ការបាញ់ បង្ហោះគ្រាប់មីស៊ីល ថែមទៀត រួមទាំងការចាប់ផ្តើម សាកល្បងនុយក្លេអ៊ែរកម្រិតខ្ពស់ គឺចង់សំដៅលើសត្រូវដ៏មុតស្រួច របស់ខ្លួន គឺសហរដ្ឋរដ្ឋ អាមេរិកផ្ទាល់តែម្តង៕
ព័ត៌មានជាតិ
មតិយោបល់