ជាមួយនឹងទេសភាពឆ្នេរខ្សាច់សមុទ្រដ៏កម្ររបានឃើញ ដំនាំតែដ៏ល្វឹងល្វើយលាតសន្ធឹងបូករួមនឹងព្រៃធម្មជាតិត្រូពិចដ៏ស្រស់ត្រកាល ស្រីលង្កាជាប្រទេសដែលមានលក្ខណះអំនោយផលដល់អ្នកទេសចរណ៍និងបង្កើតអារម្មណ៏ដ៏រំភើបក្នុងការទៅទស្សនាប្រទេសនេះ។ជាប្រទេសដែលស្ថិតនៅលើកោះ វាមានចំងាយប្រមាណតែ31គីឡូម៉ែតប៉ុណ្ណោះពីឆ្នេរសមុទ្រភាគខាងត្បូងនៃប្រទេសឥណ្ឌា។
ដំនាំតែយ៉ាងខៀវស្រងាត់ស្ទើរពាសពេញតំបន់នានាជាភាពទាក់ទាញមួយក្នុងចំនោមតំបន់ជាច្រើនទៀតនៃប្រទេសនេះ។ដំនាំ តែមួយប្រភេទដែលមានឈ្មោះ Ceylon ជាប្រភេទតែល្បីក្នុងប្រទេសដោយតាមប្រវត្តិសាស្ត្រតែនេះត្រូវបានពេញនិយមដាំចាប់ពីចុងទស្សវត្តឆ្នាំ1880មកទល់បច្ចុប្បន្នដែលតាមការពិតចន្លោះពីឆ្នាំ1869ដល់1880គឺមានតែដំនាំកាហ្វេប៉ុណ្នោះ។អញ្ចឹងហើយបានជាសព្វថ្ងៃនេះ4ភាគរយនៃផ្ទៃដីរបស់ប្រទេសស្រីលង្កាត្រូវបានគ្របដណ្តប់ដោយដំនាំតែវាអាចប្រហាក់ប្រហែលជា221000ហិកតា។ក្រៅពីនេះស្រីលង្កានៅមានតំបន់ទេសចរណ៍ជាច្រើនកន្លែងទៀតដែលមានសក្តានុពលទាក់ទាញភ្ញៀវដូចជាឆ្នេរសមុទ្រ តំបន់ព្រៃធម្មជាតិ និងជាពិសេសដូចយើងបានដឹងស្រាប់ហើយស្រីលង្កាក៏មានជំនឿនិងរឿងព្រេងប្រវត្តសាស្ត្រជាប់ទាក់ទងនឹងព្រះពុទ្ធសាសនាយ៉ាងច្រើនផងដែរ ដូចនេះហើយប្រទេសស្រីលង្កាក៏មានប្រាសាទនិងវត្តបុរាណជាច្រើនដើម្បីស្វាគមន៍ទេសចរណ៏ប្រវត្តិសាស្ត្រ ទេសចរណ៍ធម្មជាតិនិងទេសចរណ៍សាសនាដែរ៕
ប្រែសម្រួលអត្ថបទដោយ៖Mr.News
មតិយោបល់