កីឡាករបាល់ទាត់ David Beckham បាននិយាយថា រាល់ព្រឹកឡើងគាត់តែងតែក្រោកពីព្រលឹមដើម្បីចម្អិនអាហារជូនកូនៗរបស់គាត់។ប៉ុន្តែប្រពន្ធរបស់គាត់នាង Victoria បានចេញមុខបកស្រាយថារឿងនោះមិនពិតទៅវិញ។
កាលពីរដូវក្តៅកន្លងទៅនោះ កីឡាករអតីតជម្រើសជាតិអង់គ្លេសរូបនេះបានប្រាប់ ទស្សនាវដ្តី Elle ថា ជារៀងរាល់ថ្ងៃគាត់តែងតែក្រោកនៅម៉ោង ៦ និង ៤៥ នាទីដើម្បីរៀបចំអាហារជូនក្មេងៗ។កីឡាកររូបនេះ ធ្វើយ៉ាងនេះគឺដើម្បីឲ្យគេសរសើរថាគាត់ជាឱពុកសង្ហារម្នាក់ចេះចម្អិនអាហារជូនកូនៗ។
David Beckhamបានបន្តថា”កូនប្រុសធំរបស់ខ្ញុំចូលចិត្តញុំដំណាប់ និង Romeo ចូលចិត្ត ទឹកប៉ាស្យុង ជាពិសេសគឺ ស្វាយ និង ម្នាស់ និងកូន Cruz ចូលចិត្ត ញុំនំប៉័ងជាមួយនឹងប័រ “។
ទោះបីជាយ៉ាងណាក៏ដោយ បទសម្ភាសជាមួយនឹង ទស្សនាវដ្តី Elleនៅពេលថ្មីៗនេះប្រពន្ធរបស់ David Beckham បានទទូចថា នាងតែងតែចម្អិនអាហារពេលព្រឹកជូនក្មេងៗ។អ្នកករចនាម៉ូតរូបនេះបានបន្តទៀតថានាងតែងតែក្រោកពីព្រលឹមដើម្បីចម្អិនអាហារជូនក្មេងទាំង ៤ របស់នាង និង ពិនិត្យអ៊ីម៉េលជាដើម។ ខណៈជាមួយនឹងគ្នានេះដែរអ្នកសារព័ត៌មានបានចោទសួរថា តើប្តីរបស់នាងតែងតែចម្អិនអាហារជូនកូនៗមែនទេ?នាង Victoria បានសើច ហើយនិយាយថា “គាត់កុហកអ្នកនោះទេ គាត់មិនមែនជាមនុស្សបែបនោះទេ”។
គួរបញ្ជាក់ផងដែរថា អតីតរតារាចម្រៀងបស់ Spice Girlsតែងតែរវល់មមារញឹកជាមួយនឹងការរចនារបស់ខ្លួន ជាមួយនឹងយីហោ Victoria Beckham នោះ ដើម្បីទទួលបានការចាប់អារម្មណ៍ពីសំណាក់ពិភពលោក៕
មតិយោបល់