សម្រាប់ថ្ងៃទី ១៤ ខែ កុម្ភៈ ឆ្នាំ ២០១៣ ក៏ដូចជារាល់ឆ្នាំផងដែរគឺជាថ្ងៃសំខាន់របស់ពួកលោកខាងលិចតែសម្រាប់ខ្មែរវិញក៏មិនខុសគ្នាដែរ ដោយក្មេងៗយុវវ័យ និងអ្នកមានគ្រួសារមួយចំនួនក៏ចូលចិត្តធ្វើវាដែរ ដោយរបត់សល់ពីភាពយុវវ័យគេនោះ ដោយម្នាក់ស្វះស្វែងយល់ពីអត្ថន័យនៃក្តីស្រាលាញ់ដោយគិតថាគួរទិញផ្កាប៉ុន្មានទងសម្រាប់គូស្នេហ៍ ហើយទិញផ្កាពណ៌អ្វីនិងនិងមានអត្ថន័យដូចម្តេចនោះ? ខាងក្រោមនេះជាចំណុចយល់សម្រាប់យុវវ័យ ៖
១ទង អ្នកជាមនុស្សតែម្នាក់គត់សម្រាប់ខ្ញុំ
២ទង ស្នេហារវាងយើងទាំងពីរនាក់មានន័យជ្រាលជ្រៅណាស់
៣ទង ខ្ញុំស្រលាញ់អ្នក
៦ទង ខ្ញុំជារបស់អ្នក
៧ទង ខ្ញុំជាប់ចិត្តនឹងអ្នក
៩ទង ស្នេហាដែលខ្ញុំមានចំពោះអ្នក គ្មានព្រំដែនទេ
១០ ទង អ្នកជាមនុស្សពិសេសសម្រាប់ខ្ញុំ
១១ទង អ្នកជាមនុស្សដ៏សំខាន់នៅក្នុងឆាកជីវិតរបស់ខ្ញុំ
១២ទង អ្នកជាម្ចាស់ចិត្តរបស់ខ្ញុំ
១៣ទង អ្នកជាមនុស្សដែលចាប់អារម្មណ៍និងយកចិត្តទុកដាក់បំផុត
១៥ទង សុំទោសរាល់អ្វីៗដែលបានធ្វើខុស សូមលើកលែងទោសឲ្យខ្ញុំផង
២០ទង មិនផ្លាស់ប្ដូរចិត្តពីអ្នក
២១ទង លះបង់គ្រប់យ៉ាងសម្រាប់អ្នក
២៤ទង មិនអាចឈប់គិតពីអ្នកជារៀងរហូត
៣៣ទង និយាយពាក្យ” I LOVE YOU ” និងផ្ដល់ជូននូវសេចក្ដីស្រលាញ់ដ៏ អស្ចារ្យ
៣៦ទង ចងចាំនូវអ្វីៗដែលបានសាងជាមួយគ្នា
៤០ទង ស្នេហាខ្ញុំមានចំពោះអ្នកច្រើនជាងអ្វីៗដែលខ្ញុំមាន
៥០ទង ស្រលាញ់គ្មានថ្ងៃប្រែប្រួល
៩៩ទង ដរាបណាមានដង្ហើមនៅតែស្រលាញ់អ្នក
១០០ទង រស់នៅជាមួយគ្នាយ៉ាងមានសុភមង្គលរហូតដល់ចាស់សក់ស្កូវ
១០១ទង អ្នកជាមនុស្សដែលខ្ញុំស្រលាញ់តែម្នាក់គត់
១០៦ទង រៀបការជាមួយខ្ញុំទៅ !
៣៦៥ទង មិនអាចឈប់គិតពីអ្នកជារៀងរាល់ថ្ងៃ
៩៩៩ទង ស្នេហាអមត។
ក្រៅពីការយល់អត្ថន័យនៃការទិញផ្កាជូនមនុស្សជាទីស្រលាញ់ គេសង្កេតឃើញថា កាលល្ងាចថ្ងៃទី ១៣ ខែ កុម្ភៈ ឆ្នាំ ២០១៣ ម្សិលិមិញនេះក្រៅពីការទិញផ្កា និងកាដូរជូនដល់គូស្នេហា គេនៅចាប់អារម្មណ៍រឿងមួយទៀត នោះស្រោមអនាម័យលក់ដាច់ខុសពីថ្ងៃធម្មតា។
អ្នកលក់ស្រោមអនាម័យម្នាក់សុំមិនបញ្ចេញឈ្មោះក្បែរស្តាតចាស់បានប្រាប់ដល់គេហទំព័រ ដំណឹងថា “លោកពិតជាចាប់អារម្មណ៍ណាស់នៅថ្ងៃទី ១៣ នេះ ដោយសារតែរកចំណូលបានច្រើនពីការលក់ស្រោម ដែលលក់ដាច់ខុសពីធម្មតា ។លោកបានបន្តទៀតថា ស្អែកនេះជាថ្ងៃ បុណ្យនៃក្តីស្រលាញ់នោះ ភាគច្រើនអ្នកដែលមកទិញស្រោមនោះសុទ្ធ សឹងជាយុវវ័យ ដែលមានអាយុ ក្រោម ២០ ឆ្នាំ”។លោកបានមានប្រសាសន៍បន្តថា យុវវ័យទាំងនោះពិតជាភ្លើតភ្លើនមែន តែគាត់ក៏បានគិតគូរពី ជីវិតរបស់គាត់ផងដែរ ដោយការប្រើប្រាស់ស្រោម។
បញ្ជាក់៖ខាងក្រោមនេះជាប្រវត្តិខ្លះៗទាក់ទងនឹងការប្រារព្ឋពិធីបុណ្យសង្សារ៖
Saint Valentine ជាឈ្មោះបុព្វជិកដែលមានកំណើតនៅក្នុងប្រទេសរ៉ូម នៅក្នុងរាជកាលអធិរាជClaudiusII។ នៅក្នុងប្រវត្តិជនជាតិរ៉ូម៉ាំង ថ្ងៃទី១៤កុម្ភះ គឺជាថ្ងៃឈប់សំរាកសំរាប់គោរពដល់ព្រះមហាក្សត្រត្រិយានីរបស់ប្រទេសនេះ។ ប្រជាជនរ៉ូមម៉ាំង បានចាត់ទុកព្រះរាជានីថា ជាព្រះជាម្ចាស់តំណាំង អោយនារីទាំងអស់នៅក្នុងប្រទេសនិងជាព្រះជាម្ចាស់នៃអាពាពិពាហ៏ដ៏ស្រស់បំព្រងមួយ។ ពីធីនេះត្រូវបានគេធ្វើភ្ជាប់ជាមួយបុណ្យ Lupercalia ជាបុណ្យធ្វើឡើងសំរាប់បណ្តេញឆ្កែចចកដែលតែងតែមកបំផ្លាញដំណាំនៅតាមឈូងសមុទ្រ និងជាពីធិមួយដែលប្រជាជនធ្វើឡើងសំរាប់សុំអោយដំណាំរបស់គេកាន់តែទទួលបានផលច្រើនជាងឆ្នាំចាស់។
សម័យកាលនោះ ការរស់នៅរបស់កំលោះ និង នារីក្រមុំ ត្រូវបានគេចែកអោយនៅដាច់ពីគ្នានិងតឹងរឹងបំផុត។ ប៉ុន្តែក្នុងថ្ងៃបុណ្យ Lupercalia កំលោះនិងក្រមុំត្រូវបានគេអនុញ្ញាតិអោយជួបគ្នា។ ស្រីក្រមុំជនជាតិរ៉ូម៉ាំងទាំងអស់ត្រូវសរសេរឈ្មោះរបស់ពួកគេដាក់ក្នុងដប និងបណ្តែតតាមទឹក ហើយកំលោះៗជាអ្នកចាំទទួលដបទាំងនោះ។ អ្នកដែលទទួលបានដបទាំងនោះនឹងត្រូវគូររួបនារីដែលមានឈ្មោះក្នុងដប។ ជាទូទៅពួកគេបានក្លាយជាគូរស្នេហ៍នឹងគ្នាហើយអាចរៀបអាពាហ៍ពិពាហ៍ជាមួយគ្នាបាន។
នៅក្នុងសម័យកាលរជ្ជកាលអធិរាជ claudius II ដែលត្រូវបានគេទទួលស្គាល់ថាជាសម័យបង្ហូរឈាម។ ដោយសារមានការលំបាកក្នុងការបញ្ចុះបញ្ចូលអោយប្រជាជន ពិសេសយុវជនចូលរួមធ្វើជាកងទ័ព ព្រះរាជារូបនេះយល់ឃើញថាមូលហេតុដែលធ្វើអោយបុរសៗមិនព្រមធ្វើជាកងទ័ពពីព្រោះតែពួកគេមិនចង់ចាកចេញពីគ្រួសារ និងមនុស្សដែលគេស្រលាញ់។ ខណៈពេលនោះព្រះរាជាបានហាមឃាត់មិនអោយមានការរៀបអាពាហ៍ពិពាហ៍និងការភ្ជាប់ពាក្យរវាងកំលោះ និងក្រមុំជនជាតិរ៉ូម៉ាំងទាំងនោះ។ ប្រជាជនមួយចំនួនធំមិនគាំទ្រចំពោះច្បាប់ដែលអធិរាជរូបនេះបានកំណត់ឡើយ។ ដោយសារតែដូចនេះហើយទើបលោកValentine បានលួចរៀបអាពាហ៍ពិពាហ៍អោយគូរសង្សារមួយចំនួនដោយសំងាត់។ មិនយូរប៉ុន្មានសកម្មភាពនេះត្រូវបានគេដឹង។ ស្តេចCludius បានចេញបទបញ្ជាអោយប្រហារជីវិតលោកValentine ដោយកាត់យករបះដូងរបស់គាត់នាថ្ងៃទី១៤ខែកុម្ភះឆ្នាំ២៧០ ដោយចោទពីបទគាំទ្រសាសនាគ្រឹស្តប្រឆាំងនឹងវប្បធម’របស់ប្រទេស។
ក្នុងអំឡុងពេលឃុំឃាំង លោកValentineបានលួចស្រលាញ់កូនស្រីអ្នកយាមគុកម្នាក់ ដែលតែងតែមកសួរសុខទុក្ខលោកនៅក្នុងមន្ទីឃុំឃាំង។ មុនពេលកាត់ទោសប្រហារជិវិត លោកValentineបានសរសេរសំបុត្រមួយច្បាប់ផ្ញើទៅនារីដែលគាត់ស្រលាញ់។ ចុងបញ្ចប់នៃសំបុត្ររបស់គាត់បានសរសេរថា From Your Valentine ពាក្យនេះត្រូវបានគេប្រើប្រាស់រហូតមកដល់សព្វថ្ងៃនេះ។ បន្ទាប់ពិថ្ងៃដែលលោកValentineត្រូវបានគេប្រហាជីវិតពិធី បុណ្យ Lupercaliaក៏បានមកដល់។
ក្នុងពិធីនោះ មនុស្សដែលមិនជឿសាសនាគ្រឹស្គមួយចំនួនធំបានចូលរួម។ ដោយចង់អោយប្រជាជនរ៉ូម៉ាំងមានជំនឿលើសាសនាគ្រឹស្គកាន់តែខ្លាំងនោះ អភិបាលរបស់វិហារសាសនាគ្រឹស្ត បានដាក់បញ្ចូលឈ្មោះលោកValentinesក្នុងដបបណ្តែតតាមទឹក ជាមួយនឹងឈ្មោះរបស់ស្រីក្រមុំជាច្រើនទៀត។ ឈ្មោះលោកValentines ត្រូវបានគេប្រទេះឃើញនៅក្នុងពិធីនោះចាប់តាំងពីពេលនោះមក ហើយអភិបាលគ្រប់គ្រងពិធីបុណ្យនេះ ក៏សំរេចចិត្តប្តូរឈ្មោះបុណ្យ ឡុផរេចាលិាទៅជាបុណ្យ Saint Valentine’s Day ហើយធ្វើឡើងនៅក្នុងថ្ងៃទី១៤ ដើម្បីធ្វើការរំលឹកដល់លោកValentine ដែលបានរៀបចំអាពាហ៏ពិពាហ៏ដល់គូស្នេហ៏ដែលស្រលាញ់គ្នា។ ជាមួយគេនេះផងដែរ ការប្តូរឈ្មោះបុណ្យនេះក៏ជាការបង្ហាញថា ការជ្រើសរើសស្រីក្រមុំអោយដល់កំលោះជនជាតិរ៉ូម៉ាំងធ្វើឡើងដោយលោកValentine ដែលជាព្រះនៃសេចក្តីស្រលាញ់។ ចាប់ពីថ្ងៃនោះមក ១៤កុម្ភះត្រូវបានគេប្រារព្វឡើងជាថ្ងៃបុណ្យនៃសេចក្តីស្រលាញ់ ឬមិត្តយុវវ័យមួយចំនួន ហៅថា ថ្ងៃបុណ្យសង្សារ៕
មតិយោបល់