កាលពី​រាត្រី​យប់មិញ​នេះដែរ ក្លិប​ហង្ស​ក្រហម ដែល​ជំនួប​ជើង​ជាមួយនឹង Swansea City​នៅលើ​ទឹកដី​របស់​ខ្លួ​ន​នោះ បាន​បំបាក់ Swansea City ដោយ​គ្រាប់​បាល់​យ៉ាង​ចាស់ដៃ 5-0​។​
​គ្រាប់​បាល់​ដំបូង​របស់​ហង្ស​ក្រហម​ដែល​ស៊ុត​ប៉េណ័ល​ទី ដោយ​កីឡាករ Steven Gerrard នៅ​នាទី ៣៤ ដែល​ជា​គ្រាប់​បាល់​មួយ​ដែល​កីឡាករ​របស់ Swansea City​ធ្វើឲ្យ​កីឡាករ Suarez ដួល​នៅ​ក្នុង​ប្រអប់​សំខាន់​នោះ​។​

​នាទី ៤៦ នៃ​ការបើកឆាក​ដំបូង​របស់​ក្លិប​ទាំង​ពីរ​ហង្ស​​ក្រហម​បាន​រក​គ្រាប់​បាល់​មួយ​គ្រាប់​ទៀត ដោយ​កីឡាករ​ទើបតែ​កុងត្រា​ថ្មី Coutinho ។​កែ​បាល់​បាន ៤ នាទី ពោល​គឺ នាទី ៥០ Jose Enrique បានបង្ហាញ​ទម្រង់​លេង​វ័ន​ធូ ជាមួយនិង​ខ្សែប្រយុទ្ធ Daniel Sturridge ដោយ​បំប៉ោង​សំណាញ់​បន្ថែម​មួយ​គ្រាប់​ទៀត​។​ចំណែក Suarez ដែល​ខកខាន​ក្នុង​ការស្វែងរក​គ្រាប់​បាល់​ប៉ុន្មាន​ប្រកួត​កន្លងមក​នោះ ថ្ងៃនេះ​ដែរ​ហាក់ដូចជា​មាន​យីអ៊ុន​ឡើង​ដោយ​អាចរក​​គ្រាប់​បាល់​បន្ទាប់ពី Jose Enrique នៅ​នាទី ៥៦ ។ ងាក​មក​មើល Daniel Sturridge វិញ​ថ្ងៃនេះ​ឱកាស​ក៏មាន​ច្រើន​គួរសម​ដែរ​តែ​ធ្វើ​មិន​បាន​សម្រេច​ទើប​មក​សម្រេច​ចម្ងាយ ១១ ម៉ែត្រ ដែល​ជា​បាល់​ប៉េណ័ល​ទី ដែល​ប្រយុទ្ធ ស្លាបរ​បស់ Swansea ធ្វើឲ្យ​មាន​កំហុស ។​
Swansea មាន​ឱកាស​ច្រើន​ដែរ តែ​ត្រឹម​តែ​ជ្រលៗ ហើយក៏​មិន​អាច​ឆ្លង​ផុតពី​ខ្សែការពារ​ហង្ស​ក្រហម​បានដែរ ត្រឹមតែ​ស្ពាយ​ទុក្ខសោក​ទៅផ្ទះ​វិញ​តែប៉ុណ្ណោះ ដោយ​ចាញ់ ហង្ស​ក្រហម 5-0៕​