តារាបាល់ទាត់របស់ អាហ្សង់ទីន វ័យ ៥២ ឆ្នាំ មានទំនាក់ទំនងស្នេហាជាមួយនឹងនារីវ័យក្មេងដែលមានអាយុ ២២ ឆ្នាំ ។
ប្រភពព័ត៌មានរបស់ អាហ្សង់ទីន បានជ្រួលជ្រើមចុះផ្សាយជូនអ្នកចង់ដឹងចង់ឮពីព័ត៌មានដែលទាក់ទង និងស្នេហាថ្មីរបស់អតីតកីឡាករបាល់ទាត់ Maradona។ ស្រីស្រស់ដែលជាដៃគូស្នេហាថ្មីរបស់ Maradona មានឈ្មោះថា Rocio មានវ័យ ២២ ឆ្នាំ ដែលតិចជាងអតីតកីឡាករបាល់ទាត់រូបនេះរហូតដល់ទៅ ៣០ ឆ្នាំ ដែលអាចហៅប៉ាប៉ា បាន។
នាង Rocio ក៏ជាកីឡាករស្ត្រីដែលលេងនៅក្លិប River Plate ជាអតីតក្លិបរបស់ Maradonaលេងផងដែរ។ ដោយនៅពេលថ្មីៗនេះដែរអតីតកីឡាករអាហ្សង់ទីន Maradona បានបង្ហោះរូបជាមួយនឹងសារសញ្ញាថាស្រឡាញ់ នាង Rocio ផងដែរ។
ចំណែកបងប្អូនប្រុសរបស់នាង Rocioបានបញ្ចាក់ផងដែរថាបងប្អូនស្រីរបស់ខ្លួនបានទំនាក់ទំនងស្នេហាជាមួយនឹង Maradona អស់រយៈពេល ១ ខែ នៅ Dubai ។
កាលពីខែ តុលា ឆ្នាំ ២០១២ កន្លងទៅនេះ កីឡាករ Maradona បានពុំជ្រៀកចំណងស្នេហ៍ ៨ ឆ្នាំ ជាមួយនឹងមិត្តស្រីរបស់ខ្លួននាង Veronica Ojeda នៅចន្លោះការលែងលះគ្នានេះដែរ ស្រីស្រស់ដែលត្រូវជាប្រពន្ធកីឡាករបាល់ទាត់អាហ្សង់ទីនក៏មានផ្ទៃពោះផងដែរ។តែទោះជាយ៉ាងណានាង Veronica Ojeda បានផ្តល់កំណើតឲ្យកូនប្រុសរបស់ Maradona ដោយសប្បាយរីករាយជាទីបំផុត កាលពីថ្ងៃទី ១៣ ខែកុម្ភៈ ដោយដាក់ឈ្មោះកូនប្រុសថា Diego Fernando៕
មតិយោបល់