ក្រុមហ៊ុន Samsung Electronics បានធ្វើការប្រកាសតែងតាំងនាយកប្រតិបត្តិថ្មីបន្ថែមទៀតចំនួន ២រូប។
លោក Boo-keun Yoo និងលោក J.K. Shin ត្រូវបានក្រុមហ៊ុន Samsung Electronics បានប្រកាសតែងតាំងជានាយកប្រតិបត្តិថ្មី។ លោក Yoo ត្រូវបានក្រុមហ៊ុនចាត់តាំងឲ្យទទួលខុសត្រូវផ្នែក Samsung TV ចំណែកលោក Shin ត្រូវបានទទួលបន្ទុកផ្នែកទូរស័ព្ទដៃ ហើយអ្នកទាំងពីរនេះ នឹងត្រូវធ្វើការទំនាក់ទំនងគ្នាយ៉ាងជិតស្និទ្ធបំផុតជាមួយលោក Oh-Hyun Kwon ដែលជានាយកប្រតិបត្តិទី១ ពោលគឺអ្នកទាំងបីជា សហនាយកប្រតិបត្តិ ទទួលបន្ទុកផ្នែកខុសៗគ្នា។
គួរបញ្ជាក់ផងដែរថា បច្ចុប្បន្នប្រធានក្រុមហ៊ុនគឺលោក Lee Kun-hee ដែលត្រូវជាកូនប្រុសរបស់លោក Lee Byung-chull ដែលជាស្ថាបនិកបង្កើត Samsung Group ហើយបច្ចុប្បន្នកូនប្រុសលោក Lee Kun-hee ដែលជាត្រូវជាចៅរបស់លោក Lee Byung-chull ឈ្មោះ Lee Jae-yong កំពុងតែកាន់តំណែងជាប្រធានចាត់ការទូទៅនៅក្នុងក្រុមហ៊ុន Samsung៕
The three co-CEOs (left to right): Oh-Hyun Kwon • J.K. Shin • Boo-keun Yoon
ព័ត៌មានជាតិ
មតិយោបល់