ផ្ទះ ព័ត៌មានជាតិ ហ៊ីយិនដាយ បុក...

ហ៊ីយិនដាយ បុកម៉ូតូបើកឆ្លងផ្លូវ បណ្តាលឲ្យរងរបួសធ្ងន់-ស្រាលមនុស្ស៣នាក់

0

សៀមរាប: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា ថ្ងៃច័ន្ទ ២កើត​ ខែ​ចេត្រ ឆ្នាំជូត​ ទោស័ក ព.ស.២៥៦៤​ ត្រូវនឹងថ្ងៃទី១៥ ខែ​មីនា ឆ្នាំ២០២១ វេលាម៉ោង១និង៣០នាទី​ នៅត្រង់ចំណុច​ផ្លូវ​បំបែកជាបួនតានី ចន្លោះបង្គោលគីឡូម៉ែត្រលេខ១៥-១៦ ស្ថិតនៅក្នុងភូមិតានី ឃុំរុនតាឯក ស្រុកបន្ទាយស្រី​ ខេត្តសៀមរាប លើផ្លូវជាតិលេខ​៦៧ ។

ករណីគ្រោះថ្នាក់ចរាចរណ៍រវាងរថយន្ដ​០១​គ្រឿង​ ម៉ាក​ហ៊ីយ៉ាន់ដាយ ពណ៌ស​ ពាក់ផ្លាកលេខ​ ភ្នំពេញ​ 3A-2637 អ្នកបើកបរឈ្មោះ ទិត សីហា ភេទប្រុស អាយុ​២០ឆ្នាំ រស់​នៅ​ភូមិ​វត្ត ឃុំស្រែណូយ ស្រុក​វ៉ារិន ខេត្តសៀមរាប​ អ្នករួមដំណើរឈ្មោះ​ ស្រ៊ុន ជីវន្ត ភេទ​​ប្រុស អាយុ ១២ឆ្នាំ រស់នៅភូមិវត្ត ឃុំស្រែណូយ ស្រុក​វ៉ារិនខេត្តសៀមរាប​ បើកបរមានទិសដៅពី ត្បូងទៅជើង បានបុកនឹងម៉ូតូមួយគ្រឿង ម៉ាក​ហុងដាឌ្រីម ពណ៌​ ខ្មៅ ពាក់ផ្លាកលេខ​ សៀមរាប 1S-​6597 អ្នកបើកបរឈ្មោះ​ មាស ម៉ាលីស ភេទស្រី អាយុ​២៤ឆ្នាំ​ រស់​នៅ​ភូមិ​ស្នោ ឃុំល្វា ស្រុក​ពួក ខេត្តសៀមរាប​ អ្នករួមដំណើរឈ្មោះ​ តេ បារាំង ភេទ​ប្រុស អាយុ ២៩ឆ្នាំ រស់នៅ​ភូមិស្នោ ឃុំល្វា
ស្រុកពួក ខេតសៀមរាប​ បើកបរមាន ទិសដៅពី​កើតទៅ​លិច (កំពុងឆ្លងផ្លូវ) និងម៉ូតូសណ្តោងរឺម៉ក ម៉ាក ហុងដាវេវ
ពណ៌ទឹកសមុទ្រ ពាក់ផ្លាកលេខព្រះវិហារ 1B-3650 អ្នកបើកបរឈ្មោះ ឈុន ឆោ ភេទ​​ប្រុស អាយុ៣៩ឆ្នាំ​ រស់នៅភូមិបន្ទាយចាស់ ឃុំប្រឡាយ ស្រុក​ត្រពាំង​ប្រាសាទ ខេត្ត​ឧត្តរមានជ័យ​ បើកបរមានទិសដៅ ជើងទៅត្បូង ។

ក្នុងហេតុការណ៍នេះគ្រោះថ្នាក់ចរាចរណ៍នេះ បណ្តាលឲ្យ​រងរបួសមនុស្ស​ធ្ងន់ចំនួន០២នាក់ និងស្រាលម្នាក់ :

១.ឈ្មោះ មាស ម៉ាលីស ភេទ ស្រី​ (ធ្ងន់​)
២.ឈ្មោះ តេ បារាំង ភេទ ប្រុស (ធ្ងន់)
​៣.ឈ្មោះ ឈុន ឆោ ភេទ ប្រុស (ស្រាល)។

ខូចខាត​ម៉ូតូចំនួន ០២គ្រឿង ( ធ្ងន់​) និង​ រថយន្ត​ ០១​ គ្រឿង​ (ធ្ងន់ )។

សមត្ថកិច្ចបានឲ្យដឹងថា មូលហេតុនៃគ្រោះថ្នាក់ចរាចរណ៍នេះ គឺអ្នកបើកបររថយន្តពាក់ស្លាកលេខ 3A-2637 បើកបរក្នុងល្បឿនលឿន និងមិនគោរពសិទ្ធអាទិភាព ។

ក្រោយកើតហេតុ សមត្ថកិច្ចជំនាញបានចុះវាស់វែង និងបញ្ជូនជនរងគ្រោះទៅសង្គ្រោះបន្ទាន់នៅមន្ទីរពេទ្យបង្អែកខេត្ត ចំណែកវត្ថុតាងសមត្ថកិច្ច យកមករក្សាទុកនៅអធិការដ្ឋានស្រុកបន្ទាយស្រី ដើម្បីចាត់ការតាមនីតិវិធី​បន្ត ៕

មតិយោបល់