បាដាដ:លោករដ្ឋមន្ត្រីក្រសួងយុត្តធម៍របស់អ៊ីរ៉ាក់Hassanal-Shammariបាននិយាយកាលពីថ្ងៃច័ន្ទថាគ្រាប់បែកអត្តឃាតនិងរថយន្តបំពាក់ដោយគ្រាប់បែកដែលបានបំផ្ទុះនៅក្រសួងយុត្តធម៍កាលពីថ្ងៃព្រហស្បតិ៍អាទិត្យមុនបានសម្លាប់មនុស្សដល់ទៅ30នាក់និងរបួសប្រមាណជា50នាក់។
របាយការណ៍ដំបូងដែលបានចេញដោយលោករដ្ឋមន្ត្រីក្រសួងការពារជាតិកាលពីថ្ងៃព្រហស្បតិ៍ភ្លាមបានប្រកាសថាមានតែត្រឹម21នាក់បានស្លាប់ហើយ50នាក់របួសដែលបណ្តាលមកពីការបំផ្ទុះចំកណ្តាលនៃទីក្រុងបាដាដហើយដែលមានមុខសញ្ញាគឺក្រសួងយុត្តធម៍តែម្តង។លោកSahammariបាននិយាយបន្ថែមទៀតថាការផ្ទុះចាប់ផ្តើមដោយការបំផ្ទុះឡានជាមុនសិនហើយនៅពេលដែលមានភាពច្របូកច្របល់ភេរវករអត្តឃាតក៏បានឱកាសរត់ចូលទៅក្នុងរបាំងទីមួយនៃក្រសួងហើយបំផ្ទុះខ្លួនមួយលើកទៀតដែលធ្វើឲ្យចំនួននៃអ្នកស្លាប់កើនឡើងច្រើនយ៉ាងនេះ។ភ្លាមប៉ូលីសបានប្រញាប់ទៅប្រមូលគ្នានៅត្រង់របាំងទីពីរដើម្បីរក្សាស្ថេរភាពឡើងវិញ។
ក្រុមអាល់កៃដាជាអ្នកស្ថិតនៅក្រោយរឿងនេះដោយមានខ្សែវិដេអូដែលក្រុមខ្លួនបានថតផងហើយការបំផ្ទុះនេះគឺត្រូវបានគេជឿជាក់ថាជាការសងសឹកនិងកំហឹងទៅលើស្ត្រីកាន់សាសនាSunnisម្នាក់ជាអ្នកបោះបង់សាសនានិងដែលកំពុងរស់នៅក្នុងគុក។
អំពើអហិង្សាដែលបានកើតឡើងជារឿយៗអស់រយះពេលជិតបួនខែនៅអ៊ីរ៉ាក់ក្រោយតែពីមានការបោះឆ្នោតព្រឹទ្ធសភារួចមក៕
មតិយោបល់