​កាលពីដើម​ខែមីនា​នេះ មាន​បែកធ្លាយ​រូបភាព​ស្មា​ត​ហ្វូ​ន​របស់​ក្រុមហ៊ុន​តៃវ៉ាន់ HTC ដែល​គេ​ជឿជាក់ថា ជា​រូបភាព​ស្មា​ត​ហ្វូ​ន​របស់ Facebook​។​
​ថ្ងៃ​ព្រហស្បតិ៍ ម្សិលមិញ​នេះ បណ្ដាញ​ទំនាក់ទំនង​សង្គម Facebook បានចេញ​លិខិតអញ្ជើញ​ឲ្យ​ចូលរួម​នៅក្នុង​ព្រឹត្តិការណ៍​មួយ ដែល​ត្រូវបាន​គេ​ជឿថា​ជា​ស្មា​ត​ហ្វូ​ន​។ នៅក្នុង​លិខិតអញ្ជើញ Facebook បានសរសេរថា “Come See Our New Home on Android” ។​
​លោក Josh Constine មកពី​គេហទំព័រ TechCrunch បាន​ឲ្យ​ដឹងថា Facebook នឹង​បង្ហាញ​ស្មា​ត​ហ្វូ​ន​ដែល​ប្រើប្រាស់​នូវ​ប្រព័ន្ធ​ដំណើរ​ការ Android ក្រោម​កិច្ចសហការ​ជាមួយ​ក្រុមហ៊ុន HTC​។ រីឯ លោក Mark Gurman មកពី 9to5 Google បាន​និយាយថា Facebook ពិត​ជាមាន​ទូរស័ព្ទ ដែល​ទូរស័ព្ទ​នោះ​បង្កើតឡើង​ដោយ HTC ប៉ុន្តែ Software មួយចំនួន​ជា​របស់ Facebook បង្កើតឡើង​៕
​