កណ្ដាល: ទណ្ឌិតនាង ប៊ុនធឿន ត្រូវបានលោកផូង វណ្ណ ប្រធានក្រុមប្រឹក្សាជំនុំជម្រះសាលាដំបូងខេត្តកណ្ដាល កាលពីថ្ងៃទី១១ ខែតុលា ឆ្នាំ២០១៧ ប្រកាសសាលក្រមផ្តន្ទាទោសដាក់ពន្ធនាគារ៦ឆ្នាំ និង បង្គាប់ឲ្យសងសំណងជំងឺចិត្តដល់ដើមបណ្ដឹងចំនួន៥០០០ដុល្លារអាមេរិក។ នាង ប៊ុនធឿន ធ្លាប់ជាប់ពន្ធនាគារ២០ឆ្នាំ ពីបទរំលោភសេពសន្ថវ:រួចសម្លាប់ជនរងគ្រោះ ។
ប្រភពព័ត៌មាន បញ្ជាក់ប្រាប់ Post News ថា ទណ្ឌិត នាង ប៊ុនធឿន ជាប់ចោទបទ«រួមភេទជាមួយអនីតិជនអាយុក្រោម១៥ តាមមាត្រា៤២ច្បាប់ស្តីពីការបង្ក្រាបអំពើជួញដូរមនុស្សនិងការធ្វើអាជីវកម្មផ្លូវភេទ និងបទប៉ុនប៉ងរំលោភសេពសន្ថវ: តាមមាត្រា២៧និង២៣៩នៃក្រមព្រហ្មទណ្ឌ»។
លោក រស់ សាវិន ប្រធានការិយាល័យប្រឆាំងការជួញដូរផ្លូវភេទ និងការពារអនីតិជន ខេត្តកណ្តាល ធ្លាប់បានឲ្យដឹងថា ជនសង្ស័យធ្លាប់ជាប់ពន្ធនាគារត្រពាំងថ្លុងចំនួន២០ឆ្នាំពីបទរំលោភសម្លាប់ និងបានចេញពីគុកក្នុងអំឡុងឆ្នាំ២០០៤ ហើយកាលពីអំឡុងខែធ្នូ ឆ្នាំ២០១៥ ជនសង្ស័យបានប៉ុនប៉ងរំលោភក្មួយស្រីសាច់ថ្លៃម្នាក់អាយុ១៩ឆ្នាំ ប៉ុន្តែ ពុំបានសម្រេច រួចក្រោយមកក៏បានរំលោភក្មួយស្រីម្នាក់ទៀតឈ្មោះ អាយុ១០ឆ្នាំ រហូតបានសម្រេច៣លើក ៕
មតិយោបល់