ទីបេ:ក្រុមការងារជួយសង្គ្រោះដែលបានបំពេញការងារតាំងតែពីមានការរអិលបាក់ដីនិងធ្វើឲ្យកម្មករជីករុករករ៉ែចំនួន83នាក់បានកប់នៅទីនោះ កាលពីម្សិលមិញនេះបានសម្រេចចិត្តផ្អាកដំណើរការជាបណ្តោះអាសន្នព្រោះខ្លាចមានហេតុការណ៍ដដែលកើតឡើងម្តងទៀតនៅក្នុងតំបន់នោះ។
គិតមកត្រឹមថ្ងៃល្ងាចថ្ងៃច័ន្ទក្រុមអ្នកសង្គ្រោះបានរកឃើញសាកសពចំនួន36នាក់ពីកន្លែងកើតហេតុដែលបានកើតឡើងតាំងពីថ្ងៃសុក្រ។បន្ទាប់មកក្រុមការងារត្រូវបានស្នើរឲ្យផ្អាកដំណើរការបន្ទាប់ពីអ្នកជំនាញខាងភូមិសាស្ត្របានពិនិត្យឃើញថាទំហំដីដល់ទៅជាង600ម៉ែតនៅកំពូលភ្នំអាចនឹងបង្កការគំរាមកំហែងតាមរយះការបាក់ដីម្តងទៀត។ក្រុមការងារបាននាំគ្នាទៅសម្រាកនៅតំបន់ដែលមានសុវត្ថិភាពរងចាំការវិភាគនិងវាយតំលៃសាជាថ្មី។
សរុបទាំងអស់មានម៉ាស៊ីនធ្វើការដល់ទៅ200គ្រឿងក្រុមសង្គ្រោះ4500នាក់ដែលបានកំពុងធ្វើការនៅទីនោះក្រោមការធ្លាកព្រិលតិចៗដែលបណ្តាលឲ្យមានការប៉ះពាល់ដល់ការប្រឹងប្រែងរបស់ក្រុមសង្គ្រោះផងដែរ៕
មតិយោបល់