ជំងឺភ្នែកឡើងបាយ គឺជាការវិវត្តន៍នូវ ស្នាមសបាំងកញ្ចក់ភ្នែក ដោយបាំងជិតនូវពន្លឺ ដែលធ្វើឲ្យអ្នកជំងឺពិបាក ក្នុងការមើលឃើញច្បាស់។ សម្រាប់អ្នកដែលកើតជំងឺដែលមានប្រភេទ ជំងឺបែបនេះ បើសិនមិនទទួលបានការព្យាបាលឲ្យបានត្រឹមត្រូវនោះទេ វាអាចនឹងបង្ករឲ្យគ្រោះថ្នាក់ដល់ភ្នែក ពោលគឺខ្វាក់តែម្តង។
ជំងឺនេះ ភាគច្រើនគឺកើតមានដោយសារការកើនឡើងនៃអាយុ។ នាពេលខ្លះទារកអាចកើតមកជាមួយនឹងជំងឺភ្នែកឡើងបាយនេះតែម្តង ដែលវាត្រូវបានហៅថា ជំងឺភ្នែកឡើងបាយតាំងពីកំណើត ឬ ក៏កុមារអាចវិវត្តកើតមានវា ដោយសារតែការមានជំងឺ ឬ ការរងរបួស ប៉ុន្តែជំងឺភ្នែកឡើងបាយកម្រកើតមានចំពោះកុមារណាស់។
កត្តាមួយចំនួនដែលអាចរួមចំណែក នាំឲ្យអ្នកមាននូវជំងឺភ្នែកឡើងបាយ គឺជំងឺទឹកនោមផ្អែម ការជក់បារី ការផឹកសុរាច្រើនជ្រុល ការរងរបួសភ្នែក ក្នុងរយៈពេលដ៏យូរ ការប្រឈមនឹង ពន្លឺព្រះអាទិត្យ ឬ កាំរស្មីក្នុងរយៈពេលដ៏យូរ។
ដើម្បីទប់ស្កាត់នូវការប្រឈមទៅនឹងការ វិវត្តន៍មាននូវជំងឺភ្នែកឡើងបាយ គឺមិនត្រូវកុំជក់បារីតែងតែពាក់មួក ឬ វ៉ែនតាការពារភ្នែកនៅពេលចេញទៅក្រោមកំដៅថ្ងៃ ធ្វើការគ្រប់គ្រងជំងឺទឹកនោមផ្អែម កាត់បន្ថយការប្រើប្រាស់ជាតិសុរា៕
មតិយោបល់