អង្គការសហប្រជាជាតិ: សរុបនៅក្នុងរបាយការណ៍ចុងក្រោយដែល
បានចេញផ្សាយកាលពីថ្ងៃច័ន្ទម្សិលមិញបាននិយាយថាសម្រាប់ខែមិនានេះចំនួននៃអ្នកស្លាប់នៅក្នុងប្រទេសអ៊ីរ៉ាក់បានកើនដល់ទៅជាង 450 នាក់ដែលមាន 229 នាក់ជាស៊ីវិលហើយ 1100 នាក់ផ្សេងទៀតរងរបួសធ្ងន់និងស្រាលនៅក្នុងករណីបាញ់ប្រហារនិងការវាយប្រហារដោយការធើ្វអត្តឃាត។
របាយការណ៍ដែលបានចេញផ្សាយនៅក្នុងការថ្លែងសន្ទរកថាជាប្រចាំថ្ងៃរបស់លោក Eduardo del Buey អ្នកនាំពាក្យអង្គការសហប្រជាជាតិហើយលោកបានបញ្ជាក់បន្ថែមទៀតថាកងរក្សាសន្តសុខរបស់អ៊ីរ៉ាក់ 227 នាក់ដែលបានចូលរួមក្នុងប្រតិបត្តការរក្សាសន្តិភាពជាមួយយូអិនក៏បានស្លាប់នៅក្នុងហេតុការណ៍នានានេះផងដែរ។
ការព្រួយបារម្ភនៅតែបន្តកើតមានសម្រាប់ប្រតិបត្តិការណ៍រក្សាសន្តិសុខរបស់យូអិនខណះដែលចំនួននៃការប្រើប្រាស់អំពើហិង្សានៅតែមានច្រើននៅក្នុងប្រទេសអ៊ីរ៉ាក់ហើយភាគច្រើនគឺជាក្រុមអាល់កៃដានិងក្រុមអ៊ីស្លាមនិយមដែលមានទីតាំងនៅក្នុងប្រទេស៕
មតិយោបល់