​លោកអ្នក ប្រាកដ​ជា​ឆ្ងល់​ហើយ​ថា តំបន់​ទេសចរណ៍ Sa Pa ស្ថិត​នៅ​ទីកន្លែង​ណា​? ពេល​នេះ​ស៊ីវីល័យ នឹង​នាំ​ឥន្ទ្រី​អារម្មណ៍​លោកអ្នក ឱ្យ​ស្គាល់​កាន់តែច្បាស់ អំពី​តំបន់​ទេសចរណ៍​មួយ​នេះ​។​

​តំបន់​ទេសចរណ៍ Sa Pa ស្ថិតនៅក្នុង​ខេត្ត Lao Cai ខាងជើង​ឆៀង​ខាងលិច​នៃ​ប្រទេស​វៀតណាម ដែល​មាន​ចម្ងាយ​ប្រហែលជា​១០០០​គីឡូម៉ែត្រ ពី​ទីក្រុង Hanoi, Halong Bay គួរ​ជាទី​មនោ​រម្យ​។ តំបន់ Sa Pa គឺជា​តំបន់​ភ្នំ ដែល​ស្ថិតនៅ​ជាប់​ព្រំប្រទល់​ប្រទេស​ចិន នៅ​ទីនោះ​មាន​ខ្យល់អាកាស​ល្អ​បរិសុទ្ធ​នា​វស្សានរដូវ ឬ​រដូវ​ភ្លៀង​ធ្លាក់ ចាប់ពី​ខែ​ឧសភា រហូតដល់​ខែ​សីហា ដែល​អាច​មាន​ចុះ​អ័ព្ទ​ព្រាលៗ​ខ្លះៗ ហើយ​ព្រមទាំង​មាន​ធ្លាក់​ព្រិល ជាច្រើន​ទៀត​ផង​។ ប្រជាជន​ជាច្រើន តែងតែ​នាំ​គ្នា​ទៅ​លេង​កម្សាន្ត និង​ស្រូប​យក​ខ្យល់អាកាស​នៅ​ទីនោះ ជាពិសេស​គឺ​នៅ​ខែកញ្ញា​នេះ​តែម្តង​។​

​គួរបញ្ជាក់​ថា នៅ​ទី​រមណីយដ្ឋាន Sa Pa មាន​កន្លែង​កម្សាន្ត​ជាច្រើន​ផ្សេងៗ​ទៀត ជាក់ស្តែង នៅលើ​ភ្នំ Sa Pa មាន​វិហារ Catholic ដែល​នៅ​ទីនោះ មាន​ទេសភាព​ស្រស់ស្អាត នា​ពេល​ព្រឹក​ព្រហាម​។ ប្រសិនបើ​យើង​មើល​ពី​លើ​កំពូលភ្នំ​ទៅ នៅតាម​ជម្រាលភ្នំ​នឹង​ឃើញ​វាលស្រែ និង​វាលស្មៅ​ខៀវស្រងាត់ លាយឡំ​ជាមួយ​តំណក់​ទឹកសន្សើម ដែល​បាន​បញ្ចេញ​ពន្លឺ​ចែងចាំង​ផ្លេកៗ គួរ​ជាទី​ស្រណុក​សុខ​ស្រួល​ខាង​ផ្នែក​ផ្លូវ​អារម្មណ៍ ថែមទៀត​ផង​៕​
https://i1272.photobucket.com/albums/y389/domneng/Sapa/3476642sapa_zps67fcb749.jpg
https://i1272.photobucket.com/albums/y389/domneng/Sapa/abc_zps1aa4a237.jpg
https://i1272.photobucket.com/albums/y389/domneng/Sapa/Sapa_zps8acc030d.jpg
https://i1272.photobucket.com/albums/y389/domneng/Sapa/sapa-53_zps2ab77551.jpg
https://i1272.photobucket.com/albums/y389/domneng/Sapa/Hanoi_zpsa9dc3cab.jpg
https://i1272.photobucket.com/albums/y389/domneng/Sapa/Sapa-and-northern_zps52b8b838.jpg