ក្លិប Bayer Leverkusen បានធ្វើការច្រាន និងអង្កេតពីក្លិប Fiorentina លើខ្សែប្រយុទ្ធ Stefan Kiessling និងគម្រោងបើកការពិភាក្សា លើកុងត្រាថ្មី ជាមួយនឹងខ្សែប្រយុទ្ធវ័យ ២៩ ឆ្នាំ នារដូវកាលក្តៅ។
កីឡាករ Stefan Kiessling នៅក្នុងក្របខណ្ឌ Bundesliga របស់អាល្លឺម៉ង់រកគ្រាប់បាល់បាន ២៣ គ្រាប់ នារដូវកាលនេះ និងនាពេលថ្មីៗនេះ បានបញ្ជាក់ព័ត៌មានថា នឹងផ្លាស់ទៅកាន់ក្លិប Borussia Dortmund ដោយជំនួសកន្លែង របស់កីឡាករ Robert Lewandowski។
កីឡាករសញ្ជាតិអាល្លឺម៉ង់ រូបនេះបានចូលរួមលេងឲ្យក្លិប Leverkusen នៅក្នុងឆ្នាំ ២០០៦ ខណៈដែលផ្ទេរចេញពីក្លិប Nurnberg ហើយពេលនេះកីឡាកររូបនេះកំពុងស្ថិតនៅក្នុងគោលដៅរបស់ក្លិប Fiorentina របស់ក្របខណ្ឌ Serie A។
ទន្ទឹមជាមួយនឹងលេចឭពាក្យ មិនដាច់នេះ អ្នកគ្រប់គ្រងទូទៅរបស់ក្លិប Leverkusen លោក Wolfgang Holzhauser បានតបនឹងពាក្យរិះគន់ និងបញ្ជាក់ថា ខ្លួនមិនមានទំនាក់ទំនងជាមួយនឹងក្លិបផ្សេង និងថែរក្សាកីឡាករ Kiessling ទុកនៅក្លិប ជាក់ស្តែងសម្រាប់ Fiorentina ដែលត្រូវការកីឡាកររូបនេះ យើងក៏មិនបានបើការពិភាក្សាជាមួយដែរ។
កីឡាករ Kiessling នៅពេលនេះកំពុងស្ថិតនៅក្នុងរយៈពេលកុងត្រាជាមួយនឹងក្លិប រហូតដល់ខែ មិថុនា ឆ្នាំ ២០១៥ និងមានគម្រោង អង្គុយពិភាក្សាកុងត្រាថ្មីនារដូវកាលនេះ។
អ្នកគ្រប់គ្រងទូទៅខាងលើបានបន្តថា ខាងក្លិបចង់ឃើញកីឡាករវ័យ ២៩ ឆ្នាំ រូបនេះចូលនិវត្តន៍នៅក្លិប Bayer Leverkusen តែម្តង។ លោកបានសង្កត់ធ្ងន់ថា យើងមិនអាចបាត់បង់កីឡាករ Stefan Kiessling បានទេប្រសិនបើយើងចង់ឈ្នះនារដូវបន្ទាប់៕
https://i1272.photobucket.com/albums/y389/domneng/Stefan-Kiessling_2888293_zps7e70e52a.jpg
មតិយោបល់