ចូរធ្វើឱ្យប្រាកដថា “ តំបន់អាថ៌កំបាំង ” មិនមានមេរោគ ដើម្បីធ្វើឱ្យរាងកាយមានសុខភាពល្អ និងមាំមួនក្រោយពីបានរួមភេទរួចហើយ។ ប្រសិនណាមានសំណួរដែលសួរថា តើអ្នកយល់យ៉ាងម៉េច អំពីការរួមភេទតាមមាត់? ប្រាកដណាស់ថា ចម្លើយខុសគ្នាជាច្រើននឹងមានរាប់មិនអស់។ មានអ្នកខ្លះឆ្លើយថា វាដូចទៅនឹងយានអវកាស ដែលអាចនាំអ្នកទាំងពីរទៅកាន់ឋានសួគ៌ បានយ៉ាងលឿន។ អ្នកខ្លះទៀតក៏និយាយថា វិធីរួមមេត្រីបែបនេះ ដូចជាគួរឱ្យខ្ពើមរអើម៘ ប៉ុន្តែ បើទោះជាប្រើប្រាស់វិធីរួមភេទបែបណាក៏ដោយ ក៏ត្រូវតែធ្វើឡើងប្រកបដោយក្តីស្រឡាញ់ពិតប្រាកដដែរ។ ដោយហេតុថា បើធ្វើបានដូច្នេះ ទើបយើងអាចទទួលបានសុភមង្គល និងមានសេចក្តីសុខនូវរាល់ពេលរួមភេទម្តងៗ។
នៅក្នុងឯកសារណែនាំអំពីរឿងផ្លូវភេទរវាងប្តីប្រពន្ធ បានបង្ហាញថា ការរួមមេត្រីដោយប្រើមាត់ ត្រូវបានគេមើលឃើញថា ជាវិធីល្អបំផុតដើម្បីឈានទៅដល់ចំណុចកំពូលនៃកាមារម្មណ៍។ ដូច្នេះ តើគួរដែរ ឬទេ? ដើម្បីផ្លាស់ប្តូរវិធីចាស់ ដោយជំនួសមកវិញនូវវិធីថ្មី គឺការរួមភេទដោយមាត់?
ចូរស្វែងយល់អំពីយោបល់ដូចខាងក្រោម ៖
- ដើម្បីឱ្យការរួមមេត្រីដោយមាត់ ប្រព្រឹត្តទៅដោយរលូន អ្នកត្រូវតែប្រាកដចិត្តថា មិនមានការភ័យខ្លាច ការព្រួយបារម្ភនានា ដែលអាចកើតមានពីមុនមកចំពោះវិធីរួមភេទបែបនេះទេ។
បន្ទាប់ពីអ្នកទាំងពីរ បានយល់ព្រមជាមួយគ្នាក្នុងការរួមភេទដោយមាត់ ចូរយកចិត្តទុកដាក់អំពីអនាម័យត្រង់កន្លែង “ អាថ៌កំបាំង ” ឱ្យបានល្អទាំងសងខាង។
តើអាចប្រើស្រោមអនាម័យ ក្នុងការរួមភេទតាមមាត់ដែរ ឬទេ? ចម្លើយ គឺថាអាច ព្រោះដើម្បីការពារសុខភាពអ្នកទាំងពីរ។ “ អាវភ្លៀង ” (ស្រោមអនាម័យ) មួយចំនួនមានក្លិនក្រអូប ក៏អាចជួយបង្កើនភាពស្រើបស្រាលដល់អ្នកទាំងពីរផងដែរ។ ទោះជាយ៉ាងនេះក្តី ការត្រួតពិនិត្យទៅលើគុណភាពរបស់ស្រោម ក៏គួរតែធ្វើឡើងដោយប្រុងប្រយ័ត្ន។
ប្រសិនបើបានឃើញស្នាមរលាកនៅត្រង់ប្រដាប់ភេទនោះ ល្អបំផុត គួរតែប្រើវិធីផ្សេងដើម្បីរួមភេទ មិនត្រូវបន្តការប្រើមាត់ទៀតទេ ហើយត្រូវរង់ចាំដល់របួសនោះជាសះស្បើយសិន ដើម្បីចៀសវាងគ្រោះថ្នាក់ ដោយសារជំងឺផ្សេងៗ។
នៅពេលបុរស ឬស្ត្រីម្នាក់ ចង់រួមមេត្រីជាមួយអ្នកដោយប្រើមាត់ មានន័យថា អ្នកនោះផ្តល់នូវមនោសញ្ចោតនាយ៉ាងជ្រាលជ្រៅដល់អ្នក ដោយគេមិនចេះតែចង់ឡើងឋានសួគ៌តែឯកឯងទេ តែគេចង់ឱ្យអ្នកទទួលបាននូវភាពប្លែកដូចរូបគេផ្ទាល់។ ដូច្នេះ ចូរជឿជាក់ និងគាំទ្រឱ្យបានពេញទំហឹង ចំពោះសកម្មភាពរបស់ដៃគូជាស្វាមីភរិយារវាងអ្នកទាំងពីរ។
គួរបញ្ជាក់ថា បើទោះជាថ្មោងថ្មីសម្រាប់ប្តីប្រពន្ធក៏ដោយ ប៉ុន្តែការនិយាយពាក្យថា បាទ ឬចាស៎ ក៏តែងតែមិនហួសពេលនោះដែរ៕
https://i1272.photobucket.com/albums/y389/domneng/eat_zps70e01fe5.jpg
មតិយោបល់