ពីមួយឆ្នាំទៅមួយឆ្នាំឃើញថាយុវជនខ្មែរទាំងប្រុសទាំងស្រីមានការចាប់អារម្មណ៍
ទៅលើថ្ងៃរំលឹកគុណម្តាយ (Mother’s Day) កាន់តែច្រើនឡើងៗគួរឲ្យកត់សម្គាល់។នៅថ្ងៃស្អែកនេះដែរ ប្រហែលជាមិនខុសពីឆ្នាំទៅប៉ុន្មាននោះទេប្រាកដជាមានយុវជនមួយចំនួននឹង
ប្តូររូបភាព ដាក់រូបភាពថ្មីដែលទាក់ទងនឹងការរំលឹកគុណម្តាយ និងមួយចំនួនទៀត
បានសរសេរពីការជូនពរ ឫពីគំរោងផែនការដែលខ្លូននឹងធ្វើដើម្បីជាការរំលឹកគុណ
យ៉ាងព្រោងព្រាតនៅក្នុងហ្វេសប៊ុកជាក់ជាមិនខាន។
តើនេះជាការពិត ឫទេនៅព្រឹកថ្ងៃស្អែកនេះ? យើងជឿជាក់ថាពួកគេពិតជានឹងធ្វើអ្វីដែលពួកគេប្រាថ្នាចង់ផ្តល់ដល់ម្តាយរបស់ពួកគេជាក់ជាពុំខាននៅថ្ងៃស្អែកនេះ។បើយុវជនទាំងអស់នេះពិតជាស្រឡាញ់ និងដឹងគុណម្តាយដូចដែលគេបានបង្ហាញនៅក្នុងហេ្វសប៊ុកនោះ ពិតជាល្អក្រៃរកអ្វីមកថ្លែងប្រៀបពុំបានទេ ព្រោះនេះសរបញ្ជាក់ឲ្យឃើញថាពួកគេពិតជាបានយល់ច្បាស់ពីគុណបំណាច់របស់ម្តាយដែលខំចិញ្ចឹមបី
បាច់ថ្នាក់ថ្នមថែរក្សាតាំងពីតូចរហូតដល់ធំដែលឆ្លងកាត់ការលំបាកជាច្រើន។
សម្រាប់ជាការដឹងគុណនិងសងគុណ គឺមិនមែនគ្រាន់តែធ្វើមួយថ្ងៃនឹងទេគឺជារៀង
រាល់ថ្ងៃពេញមួយជីវីតរបស់យើងដែលជាកូនៗ ទើបស័កសមនឺងអ្វីដែលគាត់បានធ្វើ
ចំពោះពួកយើង។
គួរបញ្ជាក់ផងដែរថាថ្ងៃរំលឹកគុណម្តាយគឺមានកាលបរិច្ឆេទខុសៗគ្នានៅតាមប្រទេសមួយចំនួនជុំវិញពិភពលោកតែមានប្រទេសភាគច្រើនបានកំណត់យកថ្ងៃអាទិត្យទីពីរនៃខែឧសភា។ ដូច្នេះនៅឆ្នាំ ២០១៣នេះ គឺត្រូវនឹងថ្ងៃទី ១៣ ឧសភា៕
ព័ត៌មានជាតិ
មតិយោបល់